ശ്രീനിവാസന്‍ കേന്ദ്രകഥാപാത്രമാവുന്ന പറുദീസ ആഗസ്റ്റ് മൂന്നിന് തിയേറ്ററുകളിലെത്തും. മലയോരഗ്രാമത്തിന്റെ പശ്ചാത്തലത്തില്‍ കഥപറയുന്ന ചിത്രത്തില്‍ ശ്വേതാമേനോനാണ് നായികയാകുന്നത്. ചിത്രത്തില്‍ വികാരിയായാണ് ശ്രീനിവാസന്‍ എത്തുന്നത്.[]
കായല്‍ ഫിലിംസിന്റെ ബാനറില്‍ ആര്‍. ശരത്താണ് ചിത്രം സംവിധാനം ചെയ്യുന്നത്. ശരത് സംവിധാനം ചെയ്യുന്ന നാലാമത്തെ മലയാളചിത്രമാണിത്. സ്ഥിതി, സായാഹ്നം, ശീലാബതി എന്നിവയാണ് ഇതിനുമുമ്പ് ശരത് സംവിധാനം ചെയ്ത മലയാളചിത്രങ്ങള്‍. ഇതുകൂടാതെ രാജാ രവിവര്‍മ്മയെ കുറിച്ച് ഹിന്ദി ചിത്രവും ശരത് സംവിധാനം ചെയ്തിട്ടുണ്ട്.
വിനു എബ്രഹാമാണ് ചിത്രത്തിന്റെ തിരക്കഥ തയ്യാറാക്കിയിരിക്കുന്നത്. ഒ.എന്‍.വിയുടേയും തമ്പി ആന്റണിയുടേയും വരികള്‍ക്ക് സംഗീതം നല്‍കിയിരിക്കുന്നത് ഔസേപ്പച്ചനാണ്.
ജഗതി ശ്രീകുമാര്‍, സുരാജ് വെഞ്ഞാറമൂട്, ഇന്ദ്രന്‍സ്, ജയകൃഷ്ണന്‍, കൃഷ്ണപ്രസാദ്, നന്ദു, ടോം ജോര്‍ജ്ജ്, എന്നിവരാണ് മറ്റുതാരങ്ങള്‍യ