പാട്ടിന്റെ കാര്യത്തില്‍ വിനീതിന് വേണ്ടി ശ്രീനിയേട്ടന്‍ ഒന്നും ചെയ്തിട്ടില്ല; വിനീതിനെ സിനിമയിലെത്തിക്കാന്‍ ശുപാര്‍ശ ചെയ്തിരുന്നോ എന്ന ചോദ്യത്തിന് ശ്രീനിവാസന്റെ ഭാര്യ പ്രതികരിക്കുന്ന പഴയ വീഡിയോ ശ്രദ്ധ നേടുന്നു
എന്റര്‍ടെയിന്‍മെന്റ് ഡെസ്‌ക്
Sunday, 31st October 2021, 3:45 pm
പ്രിയദര്‍ശന്റെ സംവിധാനത്തില്‍ 2003ല്‍ പുറത്തിറങ്ങിയ ‘കിളിച്ചുണ്ടന്‍ മാമ്പഴം’ എന്ന ചിത്രത്തിലെ ‘കസവിന്റെ തട്ടമിട്ട്’ ഗാനമാലപിച്ചുകൊണ്ടായിരുന്നു വിനീത് ശ്രീനിവാസന്റെ മലയാളസിനിമയിലേയ്ക്കുള്ള അരങ്ങേറ്റം.
വിനീതിനെ സിനിമയിലെത്തിക്കാന്‍ ആരോടെങ്കിലും ശുപാര്‍ശ ചെയ്തിരുന്നോ എന്ന ചോദ്യത്തിന് ശ്രീനിവാസനും ഭാര്യ വിമലയും മറുപടി പറയുന്ന പഴയ വീഡിയോ ഇപ്പോള്‍ ശ്രദ്ധ നേടുകയാണ്. കൈരളി ചാനലിന് നല്‍കിയ പഴയ അഭിമുഖത്തില്‍ ഇരുവരും സംസാരിക്കുന്നത്.
വിനീതിന് വേണ്ടി നടിയും പ്രിയദര്‍ശന്റെ മുന്‍ഭാര്യയുമായ ലിസിയോട് അന്ന് ശുപാര്‍ശ ചെയ്തിരുന്നോ എന്ന ചോദ്യത്തിനാണ് ശ്രീനിവാസന്റെ ഭാര്യ വിമല മറുപടി പറയുന്നത്.
