ഒരു പുതിയ സംവിധായികയേയും നായികയേയും അവതരിപ്പിച്ചു കൊണ്ട് ‘തേരി മേരി’ എന്ന ചിത്രത്തിന്റെ ഷൂട്ടിങ്ങ് ആരംഭിച്ചു. മലയാള സിനിമയില്‍ തന്നെ ആദ്യമായി RED V RAPTOR(X) 8K ക്യാമറ ഉപയോഗിച്ചുകൊണ്ടാണ് ഷൂട്ടിങ്ങ് നടത്തുന്ന ചിത്രം കൂടിയായിരിക്കും തേരി മേരി.
ആരതി ഗായത്രി ദേവിയാണ് തിരക്കഥ രചിച്ച് ചിത്രം സംവിധാനം ചെയ്യുന്നത്. ശ്രീനാഥ് ഭാസിയും ഷൈന്‍ ടോം ചാക്കോയും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തിലൂടെ തെലുങ്കുവിലെ അറിയപ്പെടുന്ന ഇന്‍ഫളുവെന്‍സറും ഗായികയും മെഡിക്കല്‍ വിദ്യാര്‍ഥിനിയുമായ ശ്രീരംഗ സുധ നായികയായി മലയാളത്തിലേക്ക് എത്തുകയാണ്.
വര്‍ക്കലയിലെ ടൂറിസവുമായി ബന്ധപ്പെട്ടു കൊണ്ട് ജീവിക്കുന്ന നാട്ടിലെ രണ്ടു യുവാക്കളുടെ ജീവിതമാണ് ഈ ചിത്രത്തിലൂടെ രസകരമായി അവതരിപ്പിക്കുന്നത്. ഇവര്‍ക്കിടയില്‍ നിലനിന്നു പോകുന്ന ഇണക്കവും പിണക്കവും അതിനിടയിലൂടെ വികസിക്കുന്ന പ്രണയവുമൊക്കെ ഈ ചിത്രത്തിന്റെ കഥാ പുരോഗതിയിലെ നിര്‍ണായകമായ ഘടകങ്ങളാണ്.
ടെക്‌സാസ് ഫിലിം ഫാക്ടറിയുടെ ബാനറില്‍ അംജിത്ത് എസ്.കെ, സമീര്‍ ചെമ്പയില്‍ എന്നിവരാണ് ചിത്രം നിര്‍മിക്കുന്നത്. അനൂപ് മേനോന്‍ തിരക്കഥ രചിച്ച് സംവിധാനം ചെയ്ത് ഏറെ ശ്രദ്ധേയമായ കിംഗ് ഫിഷ് എന്ന ചിത്രം നിര്‍മിച്ചു കൊണ്ടാണ് ടെക്‌സാസ് ഫിലിം ഫാക്ടറിയുടെ ചലച്ചിത്ര രംഗത്തേക്കുള്ള കടന്നു വരവ്.
അഡീഷണല്‍ സ്‌ക്രിപ്റ്റ് – അരുണ്‍ കരിമുട്ടം, ഛായാഗ്രഹണം – ബിബിന്‍ ബാലകൃഷ്ണന്‍, എഡിറ്റിങ്ങ് – എം.എസ്. അയ്യപ്പന്‍, കലാസംവിധാനം – സാബു റാം, മേക്കപ്പ് – പ്രദീപ് ഗോപാലകൃഷ്ണന്‍, കോസ്റ്റ്യൂം – വെങ്കിട്ട് സുനില്‍, അസോസിയേറ്റ് ഡയറക്ടേര്‍സ് – സുന്ദര്‍ എല്‍., ശരത് കുമാര്‍ കെ.ജി.
ക്രിയേറ്റീവ് ഡയറക്ടര്‍ – വരുണ്‍ ജി. പണിക്കര്‍, പ്രൊഡക്ഷന്‍ കണ്‍ട്രോളര്‍ – ബിനു മുരളി, പ്രൊഡക്ഷന്‍ മാനേജേഴ്‌സ് – സജയന്‍ ഉദിയന്‍കുളങ്ങര, സുജിത് വി.എസ്, പി.ആര്‍.ഒ – മഞ്ജു ഗോപിനാഥ്, സ്റ്റില്‍സ് – ശാലു പേയാട്.
Content Highlight: Sreenath Bhasi And Shine Tom Chacko’s Theri Meri Movie Shooting Started