ശ്രീനാഥ് ഭാസിയും ഷൈന്‍ ടോം ചാക്കോയും ഒന്നിക്കുന്ന ചിത്രം; ഷൂട്ടിങ്ങ് ആരംഭിച്ചു
എന്റര്‍ടെയിന്‍മെന്റ് ഡെസ്‌ക്
Sunday, 17th March 2024, 3:07 pm
ഒരു പുതിയ സംവിധായികയേയും നായികയേയും അവതരിപ്പിച്ചു കൊണ്ട് ‘തേരി മേരി’ എന്ന ചിത്രത്തിന്റെ ഷൂട്ടിങ്ങ് ആരംഭിച്ചു. മലയാള സിനിമയില്‍ തന്നെ ആദ്യമായി RED V RAPTOR(X) 8K ക്യാമറ ഉപയോഗിച്ചുകൊണ്ടാണ് ഷൂട്ടിങ്ങ് നടത്തുന്ന ചിത്രം കൂടിയായിരിക്കും തേരി മേരി.
ആരതി ഗായത്രി ദേവിയാണ് തിരക്കഥ രചിച്ച് ചിത്രം സംവിധാനം ചെയ്യുന്നത്. ശ്രീനാഥ് ഭാസിയും ഷൈന്‍ ടോം ചാക്കോയും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തിലൂടെ തെലുങ്കുവിലെ അറിയപ്പെടുന്ന ഇന്‍ഫളുവെന്‍സറും ഗായികയും മെഡിക്കല്‍ വിദ്യാര്‍ഥിനിയുമായ ശ്രീരംഗ സുധ നായികയായി മലയാളത്തിലേക്ക് എത്തുകയാണ്.
അന്ന രേഷ്മ രാജന്‍ മറ്റൊരു പ്രധാന കഥാപാത്രത്തെ അവതരിപ്പിക്കുന്ന ചിത്രത്തില്‍ ഇര്‍ഷാദ് അലി, സോഹന്‍ സീനുലാല്‍, ഷാജു ശ്രീധര്‍, ബബിത ബാബു എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഇവര്‍ക്കൊപ്പം ഏതാനും പുതുമുഖങ്ങളും ചിത്രത്തില്‍ അണിനിരക്കുന്നു.
വര്‍ക്കല ജനാര്‍ദ്ദനസ്വാമി ക്ഷേത്രസന്നിധിയിലാണ് ചിത്രീകരണത്തിനു തുടക്കം കുറിച്ചത്. ബബിത ബാബു സ്വിച്ചോണ്‍ കര്‍മം നിര്‍വ്വഹിച്ചു. അലക്‌സ് തോമസ് ഫസ്റ്റ് ക്ലാപ്പും അടിച്ചു. എക്‌സിക്കുട്ടീവ് പ്രൊഡ്യൂസര്‍ – അലക്‌സ് തോമസ്, സംഗീതം – കൈലാസ് മേനോന്‍.