പ്രണയാഭ്യര്‍ഥന നിരസിച്ച പെണ്‍കുട്ടിക്ക് ക്യാഷ് ഓണ്‍ ഡെലിവെറിയായി സെക്‌സ് ടോയ് അയച്ചു, പോണ്‍ സൈറ്റില്‍ ഫോണ്‍ നമ്പര്‍ അപ്‌ലോഡ് ചെയ്തു; പ്രതി അറസ്റ്റില്‍
ഡൂള്‍ന്യൂസ് ഡെസ്‌ക്
Friday, 10th September 2021, 9:43 am
മുംബൈ: പ്രണയാഭ്യര്‍ഥന നിരസിച്ചതിന് പെണ്‍കുട്ടിയുടെ വീട്ടിലേക്ക് സെക്‌സ് ടോയ് അയക്കുകയും ഫോണ്‍ നമ്പര്‍ പോണ്‍ സൈറ്റില്‍ അപ് ലോഡ് ചെയ്യുകയും ചെയ്ത യുവാവ് അറസ്റ്റില്‍.
മാസങ്ങള്‍ നീണ്ട അന്വേഷണത്തിന് ഒടുവിലാണ് മുംബൈ പൊലീസ് ഇയാളെ പിടികൂടിയത്.
കുനാല്‍ അങ്കോല്‍ക്കര്‍ എന്നയാളെയാണ് പൊലീസ് അറസ്റ്റ് ചെയ്തത്. ഫെബ്രുവരി മാസത്തിലാണ് പെണ്‍കുട്ടി പൊലീസില്‍ പരാതി നല്‍കിയത്.
പ്രണയാഭ്യര്‍ഥന നിരസിച്ച പെണ്‍കുട്ടിക്ക് ഇയാള്‍ സെക്‌സ് ടോയ് ഇ-കൊമ്മേഴ്‌സ് സൈറ്റ് വഴി ഓര്‍ഡര്‍ ചെയ്ത് അയച്ചുകൊടുക്കുകയായിരുന്നു. ക്യാഷ് ഓണ്‍ ഡെലിവറി പേമെന്റ് മെത്തേഡ് വഴിയാണ് ഓര്‍ഡര്‍ ചെയ്തത്.
