ഈ സമയത്തിനുള്ളില്‍ ടിക്കറ്റ് ബുക്ക് ചെയ്യുന്നവര്‍ക്ക് 999 രൂപ മുതലാണ് ടിക്കറ്റ് നിരക്ക് നിശ്ചയിച്ചിരിക്കുന്നത്. എല്ലാ ക്ലാസുകളിലും ഓഫര്‍ ബാധകമാണ്.
ന്യൂദല്‍ഹി: ഉത്സവകാല ഓഫറിന്റെ ഭാഗമായി വിമാനടിക്കറ്റ് നിരക്കുകളില്‍ കുറവ് വരുത്തിയിരിക്കുന്ന സ്‌പൈസ് ജെറ്റും എയര്‍ ഏഷ്യക്കും പിന്നാലെ വമ്പന്‍ ഡിസ്‌ക്കൗണ്ടുമായി വിസ്താരയും.
ഒക്ടോബര്‍ 12 മുതല്‍ അടുത്ത വര്‍ഷം മാര്‍ച്ച് 28 വരെയുള്ള കാലയളവിലുള്ള യാത്രകളാണ് മുന്‍കൂട്ടി ബുക്ക് ചെയ്ത് ഉത്സവ ഓഫര്‍ ലഭിക്കുക. ഒക്ടോബര്‍ 7 അര്‍ത്ഥരാത്രി വരെ മാത്രമാണ് ടിക്കറ്റ് ബുക്കിംഗിന് അവസരമുള്ളത്.
ഈ സമയത്തിനുള്ളില്‍ ടിക്കറ്റ് ബുക്ക് ചെയ്യുന്നവര്‍ക്ക് 999 രൂപ മുതലാണ് ടിക്കറ്റ് നിരക്ക് നിശ്ചയിച്ചിരിക്കുന്നത്. എല്ലാ ക്ലാസുകളിലും ഓഫര്‍ ബാധകമാണ്.
തെരഞ്ഞെടുക്കപ്പെട്ട ആഭ്യന്തര സര്‍വ്വീസുകളില്‍ എല്ലാം ഉള്‍പ്പെടെ 888 രൂപ ടിക്കറ്റ് നിരക്കാണ് സ്‌പൈസ് ജെറ്റ് ഉല്‍സവ സീസണില്‍ പ്രത്യേക ഡിസ്‌കൗണ്ട് ഓഫറായി പ്രഖ്യാപിച്ചത്.
ആഭ്യന്തര സര്‍വ്വീസുകളിലെ ഇക്കോണമി ക്ലാസ് നിരക്ക് 999 രൂപയ്ക്കാണ് ആരംഭിക്കുന്നത്. പ്രീമിയം ഇക്കോണമി ക്ലാസ്, ബിസിനസ് ക്ലാസ് എന്നിവയുടെ ഒരു വശത്തേക്കുള്ള യാത്ര നിരക്കുകള്‍ 2,999, 5,999 എന്ന നിലയിലാണ്. എല്ലാം യാത്രാ നിരക്കും ചേര്‍ന്നുള്ള ടിക്കറ്റ് വിലയാണ് ഇത്.
ഉത്സവ ഓഫര്‍ പ്രഖ്യാപിച്ച വിമാന കമ്പനികളെല്ലാം അടുത്ത വര്‍ഷം ഏപ്രല്‍ വരെയുള്ള യാത്രകള്‍ക്കാണ് അവസരമൊരുക്കുന്നത്.