ബെംഗളൂരു: നിയമസഭാ തെരഞ്ഞെടുപ്പിനെ മാത്രം ലക്ഷ്യമാക്കി ബി.ജെ.പി കൊണ്ടുവന്ന നിരവധി വര്‍ഗീയ അജണ്ടകളെയാണ് കര്‍ണാടകയിലെ ജനങ്ങള്‍ ജനവിധിയിലൂടെ തള്ളിക്കളഞ്ഞത്. ഹിജാബ് നിരോധനം, ബീഫ് നിരോധനവുമായി ബന്ധപ്പെട്ട ചര്‍ച്ചകള്‍, ഹലാല്‍ ഭക്ഷണം വിവാദം, യൂണിഫോം സിവില്‍ കോഡ്, ലവ് ജിഹാദ്, കേരള സ്റ്റോറി മൂവി തുടങ്ങി എല്ലാ ധ്രുവീകരണ ടൂളുകളും കര്‍ണാടകയില്‍ ബി.ജെ.പി ഉപയോഗിച്ചു. എന്നാല്‍ ഇതെല്ലാം തിരിച്ചറിഞ്ഞ് പ്രതിരോധിക്കാന്‍ കോണ്‍ഗ്രസിനായി എന്നുള്ളതാണ് അവരുടെ വിജയ രഹസ്യം.
വിദ്യാഭ്യാസ സ്ഥാപനങ്ങളില്‍ ഹിജാബ് നിരോധിച്ച കര്‍ണാടകയില്‍ ഹിജാബ് ധരിച്ച സ്ത്രീയെ സ്ഥാനാര്‍ത്ഥിയാക്കിയാണ് അതിന് കോണ്‍ഗ്രസ് മറുപടി നല്‍കിയത്.
ഹിജാബ് നിരോധനത്തിനെതിരായ സമരത്തിന് മുന്നില്‍ നിന്നിരുന്ന കോണ്‍ഗ്രസിന്റെ കനീസ് ഫാത്തിമ ഗുല്‍ബര്‍ഗ നോര്‍ത്ത് മണ്ഡലത്തിലാണ് മത്സരിച്ചത്. 12,841 വോട്ടിന്റെ ഭൂരിപക്ഷത്തോടെയാണ് കനീസ് ഇവിടെ നിന്ന് വിജയിച്ച് കയറിയത്.
Hijab, beef ban, halal food, bajrang bali, uniform civil code, love jihad, kerala story, almost every polarising trope was used in Karnataka by the BJP.
— Rana Ayyub (@RanaAyyub) May 13, 2023
സമീപകാലത്ത് കര്‍ണാടകയിലുണ്ടായ വിദ്വേഷ പ്രവര്‍ത്തനങ്ങളില്‍ മുന്നില്‍ നിന്നത് ബജ്‌റംഗ്ദളായിരുന്നു. ഈ ബജ്‌റംഗ്ദളിനേയും പൊപ്പുലര്‍ ഫ്രണ്ടിനേയും പോലുള്ള സംഘടനകളെ നിരോധിക്കുമെന്ന് പ്രകടനപത്രികയില്‍ പ്രഖ്യാപിക്കാന്‍ കോണ്‍ഗ്രസ് ധൈര്യം കാണിച്ചു.
തെരഞ്ഞെടുപ്പിന്റെ അവസാന സമയത്ത് കര്‍ണാടകയില്‍ 13 ശതമാനം വരുന്ന മുസ്‌ലിങ്ങള്‍ക്ക് നല്‍കിയിരുന്ന നാല് ശതമാനം സംവരണം ബി.ജെ.പി സര്‍ക്കാര്‍ എടുത്തു കളഞ്ഞിരുന്നു. എന്നാല്‍ ഇത് പുനസ്ഥാപിക്കുമെന്ന് പറയാനും കോണ്‍ഗ്രസ് പേടിച്ചില്ല. അങ്ങനെ ഒരുപാട് കാര്യങ്ങളില്‍ വലിയ നിലപാട് സ്വീകരിച്ചതിന്റെ ഫലം കൂടിയാണ് കര്‍ണാടകയിലെ കോണ്‍ഗ്രസ് വിജയം.
While this is the direct impact of the #BharatJodoYatra in Karnataka, the intangible impact was uniting the party, reviving the cadre and shaping the narrative for the Karnataka elections. It was during the Bharat Jodo Yatra, from the many conversations @RahulGandhi had with the… pic.twitter.com/r1JOWMoei3
— Jairam Ramesh (@Jairam_Ramesh) May 13, 2023
