മോസ്‌കോ: ഇറാനെതിരായ മത്സരത്തില്‍ സ്‌പെയിനിന് ജയം. ഗോളടിക്കാന്‍ 53ാം മിനുട്ട് വരെ സ്‌പെയിനിന് കാത്തുനില്‍ക്കേണ്ടി വന്ന മത്സരത്തില്‍ കനത്ത പ്രതിരോധമാണ് ഇറാന് കാഴ്ചവെച്ചത്. ഇനിയസ്റ്റ നല്‍കിയ പാസിലൂടെ ഡിഗോ കോസ്റ്റയാണ് ഗോള്‍ നേടിയത്. ടൂര്‍ണമെന്റിലെ മൂന്നാമത്തെ ഗോളാണ് ഡീഗോ കോസ്റ്റ നേടിയത്. പ്രതിരോധത്തൊടൊപ്പം മികച്ച കൗണ്ടര്‍ അറ്റാക്കുകളും ഇറാന്റെ ഭാഗത്ത് നിന്നുണ്ടായിരുന്നു.
70-30 ആണ് മത്സരത്തിലെ സ്‌പെയിന്റെയും ഇറാന്റെയും ബോള്‍ പൊസഷന്‍. 62ാം മിനുട്ടില്‍ ഇറാന്റെ ആറാം നമ്പര്‍ താരം എസ്തലോഹി സ്‌പെയിന്റെ വല കുലുക്കിയെങ്കിലും വി.എ.ആറിലൂടെ ഗോളല്ലെന്ന് വിധിക്കുകകയായിരുന്നു.
വ്യക്തമായി ആധിപത്യം പുലര്‍ത്തിയിട്ടും ആദ്യ പകുതിയില്‍ ഇറാന് വല കുലുക്കാന്‍ സ്‌പെയിനിന് സാധിച്ചിരുന്നില്ല. ആദ്യമത്സരത്തില്‍ മൊറോക്കയെ തോല്‍പ്പിച്ച് മൂന്ന് പോയന്റ് നേടിയ ഇറാന് ഇന്നത്തെ മത്സരത്തില്‍ സമനില പിടിക്കാന്‍ കഴിഞ്ഞാലും പ്രതീക്ഷയുണ്ടായിരുന്നു.
