ഓപ്പണിങ് സഞ്ജുവിന് തലവേദനയാകും; ടി-20യില്‍ പ്രോട്ടിയാസിന് ടോസ്
സ്പോര്‍ട്സ് ഡെസ്‌ക്
Friday, 8th November 2024, 8:24 pm
ഇന്ത്യയും സൗത്ത് ആഫ്രിക്കയും തമ്മിലുള്ള ടി-20 പരമ്പരയിലെ ആദ്യ മത്സരം ഡര്‍ബനില്‍ നടക്കാനിരിക്കുകയാണ്. നാല് ടി-20 മത്സരങ്ങളാണ് പരമ്പരയിലുള്ളത്. നിലവില്‍ ടോസ് നേടിയ സൗത്ത് ആഫ്രിക്ക ബൗളിങ്ങാണ് തെരഞ്ഞെടുത്തത്.
ഡര്‍ബനിലെ പിച്ചിന്റെ ഗതി നോക്കുമ്പോള്‍ ടോസ് ഇന്ത്യയ്ക്ക് തിരിച്ചടിയാണ്. സ്ലോ പിച്ച് ഇന്ത്യയ്ക്ക് ബാറ്റിങ്ങില്‍ തലവേദനയാകാന്‍ സാധ്യതയുണ്ട്. ഇത് സഞ്ജു സാംസണ്‍ അടക്കമുള്ളവര്‍ക്കും തിരിച്ചടിയാവാം. ബംഗ്ലാദേശിനെതിരെ ഓപ്പണിങ് ഇറങ്ങിയ സാംസണ്‍ പ്രോട്ടിയാസിനെതിരെയും ഓപ്പണ്‍ ചെയ്യും.
