എന്റെ ഇക്കാമ (തിരിച്ചറിയല്‍ രേഖ) കഴിഞ്ഞ ദിവസം ബസ്സില്‍ വച്ച് നഷ്ടപ്പെട്ടു പോയി. ഇനിയും 10 മാസം കാലാവധി ഉണ്ട്. ഒറിജിനല്‍ ഇക്കാമ നഷ്ടപ്പെട്ട സ്ഥിതിക്ക് ഡൂപ്ലിക്കേറ്റ് കിട്ടാന്‍ സാധ്യത ഉണ്ടോ? എങ്കില്‍ എന്താണ് നടപടിക്രമങ്ങള്‍?
ചോദ്യം 1
എന്റെ ഇക്കാമ (തിരിച്ചറിയല്‍ രേഖ) കഴിഞ്ഞ ദിവസം ബസ്സില്‍ വച്ച് നഷ്ടപ്പെട്ടു പോയി. ഇനിയും 10 മാസം കാലാവധി ഉണ്ട്. ഒറിജിനല്‍ ഇക്കാമ നഷ്ടപ്പെട്ട സ്ഥിതിക്ക് ഡൂപ്ലിക്കേറ്റ് കിട്ടാന്‍ സാധ്യത ഉണ്ടോ? എങ്കില്‍ എന്താണ് നടപടിക്രമങ്ങള്‍?
സിദ്ദീക്ക്, റിയാദ്
ഉത്തരം
പ്രവാസികളെ സംബന്ധിച്ചിടത്തോളം ഏറ്റവും പ്രധാനപ്പെട്ട രേഖയാണ് ഇക്കാമ (resident permit) എന്ന തിരിച്ചറിയല്‍ കാര്‍ഡ്. ഇത് കൈവശം ഇല്ലാത്തവരെ അനധികൃത താമസക്കാരായി കണക്കാക്കുന്നതിനു പുറമേ തടവിലാക്കുകയോ നാടുകടത്തുകയോ ചെയ്യാം. ഒറിജിനല്‍ ഇക്കാമ നഷ്ടപ്പെട്ടെന്ന് പൂര്‍ണ്ണമായും ഉറപ്പുണ്ടെങ്കില്‍ ജവാസത്തില്‍ നിന്നും (പാസ്പോര്ട്ട് ഓഫീസ്) ഡൂപ്ലിക്കേറ്റ് ഇക്കാമക്ക് ശ്രമിക്കാവുന്നതാണ്.
ജവാസത്തില്‍ (പാസ്പോര്ട്ട് ഓഫീസ്) നിന്നും ഡൂപ്ലിക്കേറ്റ് ഇക്കാമ ലഭിക്കാന്‍ താഴെപ്പറയുന്നതാണ് നടപടിക്രമം:
(1) ഇക്കാമ നഷ്ടപ്പെട്ട വിവരം എത്രയും പെട്ടന്ന് നിങ്ങളുടെ സ്‌പോണ്‍സറെ അറിയിക്കുകയും അടുത്ത പോലീസ് സ്റ്റേഷനില്‍ പരാതി രജിസ്റ്റര്‍ ചെയ്യുകയും ചെയ്യുക.
(2) പാസ്പോര്ട്ട് ഓഫീസില്‍ കഫീല്‍ ഒരു അപേക്ഷ എഴുതി ചേംബര്‍ ചെയ്തു, കൊടുക്കണം.
(3) ഫൈന്‍ ആയിരം റിയാല്‍ + ഇക്കാമ ഫീസ് ആയ 500 റിയാല്‍ (ഒരു വര്‍ഷത്തേക്കാണ് ഇക്കാമയുടെ കാലാവധി ബാക്കി ഉള്ളതെങ്കില്‍) ബാങ്ക് വഴി (സദാദ് വഴി) അടക്കണം.
(4) ഫിംഗര്‍ പ്രിന്റും എടുത്തിരിക്കണം
(5) കഫീലിന്റെ അപേക്ഷ, ഫൈന്‍ രസീത്, 2 ഫോട്ടോകള്‍, പാസ്പോര്ട്ട് കോപ്പി, നഷ്ടപ്പെട്ട ഇക്കാമയുടെ കോപ്പി, എന്നിവയോടൊപ്പം പൂരിപ്പിച്ച ജവാസാത്ത് ഫോറവും കൊടുക്കണം.
രേഖകള്‍ എല്ലാം ശരിയാണെങ്കില്‍ ഇക്കാമ അന്നുതന്നെ കിട്ടും.
ചോദ്യം 2
ഞാന്‍ 11 വര്‍ഷമായി സൗദിയിലെ ഒരു ഹെല്‍ത്ത് സര്‍വ്വീസ് കമ്പനിയില്‍ അക്കൌണ്ടന്റ് ആയി ജോലി ചെയ്തു വരികയാണ്. ഇപ്പോഴത്തെ ശമ്പളം മറ്റു കമ്പനികളിലെ സമാന ജോലിക്കാരുമായി തട്ടിച്ചു നോക്കുമ്പോള്‍ വളരെ കുറവാണ്. ഞാന്‍ മറ്റു പല കമ്പനികളിലും ജോലിക്ക് ശ്രമിച്ചു. അവര്‍ക്കാര്‍ക്കും വിസയില്ല. ഇക്കാമ മാറ്റം വഴിയാണെങ്കില്‍ നല്ല ഓഫര്‍ തരുന്നുണ്ട്. പക്ഷേ, എന്റെ നിലവിലെ കമ്പനി ഇഖാമ മാറ്റം അനുവദിക്കില്ല. ശമ്പളം കൂട്ടാനും തയ്യാറല്ല. ജോലി ഉപേക്ഷിക്കാതെ പുതിയൊരിടത്തേക്ക് മാറുവാന്‍ നിയമപരമായി എന്താണ് ചെയ്യേണ്ടത്? അപ്പോള്‍ എനിക്ക് കിട്ടാനുള്ള 11 വര്‍ഷത്തെ സര്‍വ്വീസ് ബെനിഫിറ്റ് തടമില്ലാതെ കിട്ടുമോ? എന്താണ് എന്റെ മുമ്പിലുള്ള പോംവഴി. ?
ജയപ്രകാശ്, ജിദ്ദ
ഉത്തരം
നിതാക്കത്ത് പദവിയില്‍ പച്ച അല്ലെങ്കില്‍ പ്ലാറ്റിനം വിഭാഗത്തിലാണ് കമ്പനിയെങ്കില്‍ അനുവാദം ഇല്ലാതെ നിങ്ങള്‍ക്ക് വേറെ സ്ഥാപനത്തിലേക്ക് മാറാന്‍ കഴിയില്ല. എന്നാല്‍ കമ്പനി ചുവപ്പ് അല്ലങ്കില്‍ മഞ്ഞയാണെങ്കില്‍ ലേബര്‍ ഓഫീസിന്റെ അനുമതിയോടെ സ്‌പോണ്‍സര്‍ഷിപ് മാറ്റം ആകാം. 11 വര്‍ഷത്തെ സര്‍വീസ് ആനുകൂല്യത്തിന് നിങ്ങള്‍ അര്‍ഹനാണ്. പുതിയ കമ്പനിയിലേക്ക് മാറുന്നതിനു മുമ്പായി പഴയ കമ്പനിയില്‍ നിന്നും കിട്ടാനുള്ള എല്ലാ ആനുകൂല്യങ്ങളും വാങ്ങിയിരിക്കണം. കമ്പനി എതിര്‍ത്താല്‍ ലേബര്‍ ഓഫീസില്‍ പരാതി കൊടുക്കണം.
സംശയങ്ങള്‍ വസ്തുതകള്‍ ആമുഖം
സൗദി അറേബ്യയില്‍ ജീവിക്കുന്ന 28 ലക്ഷത്തോളം ഇന്ത്യാക്കാരില്‍ 11 ലക്ഷവും (40 ശതമാനം) മലയാളികളാണെന്നാണ് ഒരേകദേശ കണക്ക്. സാധാരണ തൊഴിലാളികളും ചെറുകിട കച്ചവടക്കാരുമായ ഭൂരിപക്ഷവും ഇടത്തരക്കാരും സമ്പന്നരായ ന്യൂനപക്ഷവുമാണ് സൗദി മലയാളിയുടെ ക്രോസ് സെക്ഷന്‍.
ഇന്ത്യയുടെതില്‍ നിന്നും വളരെ വ്യത്യസ്തമായ തൊഴില്‍ ബന്ധങ്ങളും സാമൂഹ്യചുറ്റുപാടുകളും സര്‍ക്കാര്‍ സംവിധാനങ്ങളും നീതി ന്യായ വ്യവസ്ഥകളും നില നില്‍ക്കുന്ന ഈ രാജ്യത്ത് ജീവിക്കുന്ന ഒരു സാധാരണ മലയാളി തന്റെ ദൈനംദിന ജീവിതത്തില്‍ അഭിമുഖീകരിക്കേണ്ടിവരുന്ന പ്രശ്‌നങ്ങള്‍ എന്തൊക്കെയാണ്? അവയുടെ പരിഹാരമാര്‍ഗങ്ങള്‍ എന്തൊക്കെയാണ്?
സൗദിയിലേക്ക് വരുന്നതിനു മുന്‍പ് അറിഞ്ഞിരിക്കേണ്ട കാര്യങ്ങളും ചെയ്യേണ്ട നടപടിക്രമങ്ങളും ഏതെല്ലാമാണ്?
കേന്ദ്രസംസ്ഥാന സര്‍ക്കാറുകള്‍ പ്രവാസികള്‍ക്കായി നടപ്പാക്കിയിട്ടുള്ള ക്ഷേമ പരിപാടികള്‍ എന്തൊക്കെ? അവ എങ്ങനെ പ്രയോജനപ്പെടുത്താം? മടങ്ങിപ്പോകുന്ന പ്രവാസികള്‍ക്കുള്ള പുനരധിവാസ പദ്ധതികള്‍ ഏതൊക്കെ? സൗദി ജീവിതവുമായി ബന്ധപ്പെട്ട് നിങ്ങളുടെ എല്ലാ സംശയങ്ങളും ഞങ്ങളെ എഴുതി അറിയിക്കുക.
കഴിഞ്ഞ രണ്ടു പതിറ്റാണ്ടിലേറെയായി സൗദി അറേബ്യയില്‍ സാമൂഹ്യ പ്രവര്‍ത്തന രംഗത്ത് സജീവ സാന്നിധ്യമായ നിയമ വിദഗ്ദ്ധന്‍ ആര്‍. മുരളീധരന്‍ നിങ്ങളുടെ സംശയങ്ങള്‍ക്ക് എല്ലാ ചെവ്വാഴ്ച്ചകളിലും മറുപടി പറയുന്നു. (പേരും വിലാസവും പ്രസിദ്ധപ്പെടുത്താന്‍ ആഗ്രഹമില്ലാത്തവര്‍ അത് പ്രത്യേകം സൂചിപ്പിക്കുമല്ലോ.) സംശയങ്ങള്‍ അയക്കേണ്ട ഇമെയില്‍ ഐ.ഡി saudipost@doolnews.com. പോസ്റ്റലില്‍ അയക്കുന്നവര്‍ ഈ വിലാസത്തില്‍ അയക്കുക:
Saudi Post
Doolnews.com
UKS Road, Calicut 1
കൂടുതല്‍ സംശയങ്ങള്‍:-
വിവാഹം പതിനഞ്ചാം വയസ്സില്‍; എങ്ങനെ രജിസ്റ്റര്‍ ചെയ്യും?
സന്ദര്‍ശക വിസക്ക് മെഡിക്കല്‍ ഇന്‍ഷുറന്‍സ് നിര്‍ബന്ധമോ?
ബാങ്ക് അക്കൗണ്ട് ഇല്ല; നാട്ടിലേക്ക് എങ്ങനെ പണം അയക്കും?
ഇന്‍ഷുറന്‍സ് കമ്പനി അര്‍ഹതപ്പെട്ട നഷ്ടപരിഹാരം തടഞ്ഞു; എവിടെ അപ്പീല്‍ കൊടുക്കണം?
സ്‌പോണ്‍സര്‍ അകാരണമായി പീഡിപ്പിക്കുന്നു; എവിടെ പരാതിപ്പെടണം?
ഭര്‍ത്താവ് പീഡിപ്പിക്കുന്നു; വിവാഹമോചനം വേണം
ഭാര്യയുടെയും മകളുടെയും റിഎന്‍ട്രി വിസ കാലാവധി കഴിഞ്ഞു. ഇനി മടങ്ങി വരാന്‍ കഴിയുമോ?
ഇക്കാമ പുതുക്കാത്തതിനാല്‍ ബാങ്ക് അക്കൗണ്ട് മരവിപ്പിച്ചു; എങ്ങനെ പണം പിന്‍വലിക്കും?
അമ്മയെ സ്ഥിരം വിസയില്‍ കൊണ്ടുവരണം; എന്താണ് നടപടിക്രമങ്ങള്‍?
ഞങ്ങള്‍ സൗദിയില്‍ വിവാഹിതരാകാന്‍ ആഗ്രഹിക്കുന്നു; ഇന്ത്യന്‍ എംബസ്സി ഞങ്ങളുടെ വിവാഹം നടത്തിത്തരുമോ?
കുട്ടിയുടെ ജനനം 8 വയസ്സായിട്ടും രജിസ്റ്റര്‍ ചെയ്തില്ല; പാസ്പോര്ട്ട് എങ്ങനെ എടുക്കും?
സയന്റിസ്റ്റായ എനിക്ക് വീട്ടുജോലിക്കാരിയെ നിയമിക്കണം, എന്താണ് നടപടിക്രമങ്ങള്‍?
യു.എ.ഇ വിസ റദ്ദ് ചെയ്യാതെ സൗദിയില്‍ ജോലി ചെയ്യുന്നു; ഇനി യു.എ.ഇ യില്‍ പ്രവേശിക്കാന്‍ കഴിയുമോ?
കഫീല്‍ സഹകരിക്കും; ഹുറൂബ് എങ്ങനെ പിന്‍വലിക്കണം?
സൗദി സന്ദര്‍ശ്ശക വിസ-ചോദ്യങ്ങള്‍ക്കുള്ള മറുപടി
സൗദി ബാങ്കില്‍നിന്നും കടമെടുത്ത തുക തിരിച്ചടക്കാതെ രാജ്യം വിട്ടു; ഇനി തിരിച്ചുപോകാനാവുമോ?
മോഷ്ടിച്ച വിസയില്‍ വന്ന് കുടുങ്ങി, എങ്ങനെ നാട്ടിലെത്തും?
സ്‌പോണ്‍സര്‍ഷിപ് മാറാന്‍ കഫീല്‍ അനുവദിക്കുന്നില്ല; എന്ത് ചെയ്യണം?
കഫീലിന് തൊഴിലാളിയെ ബ്ലാക്ക് ലിസ്റ്റ് ചെയ്യാനുള്ള അധികാരം ഉണ്ടോ?
മകളെ സന്ദര്‍ശക വിസയില്‍ സൗദിയില്‍ കൊണ്ടുവരാന്‍ എന്തുചെയ്യണം
രണ്ട് പാസ്‌പോര്‍ട്ടുകളില്‍ ഒന്ന് സറണ്ടര്‍ ചെയ്യണോ ?
സൗദിയില്‍ ഒരു സ്ത്രീക്ക് ഒറ്റയ്ക്ക് വരാന്‍ വിസ കിട്ടുമോ ?
ആശ്രിത വിസയിലുള്ള എനിക്ക് അധ്യാപികയായി ജോലി ചെയ്യാനാവുമോ?
ആശ്രിതരുടെ റീ എന്‍ട്രി വിസ സമയപരിധി ദീര്‍ഘിപ്പിക്കാനാവുമോ?
“എന്റെ ഇക്കാമ ഹുറൂബാക്കി; ഇത് പിന്‍വലിക്കാന്‍ എന്താണു വഴി?”
എങ്ങനെയാണ് കുവൈറ്റിലുള്ള എനിക്ക് സൗദിയില്‍ നിന്നും പോലീസ് ക്ലിയറന്‍സ് സര്‍ട്ടിഫിക്കറ്റ് കിട്ടുക?
ഡൂള്‍ ന്യൂസ് ഇംപാക്ട് – ലിസ്സി മാത്യൂവിന്റെ കത്തിന് എംബസിയുടെ മറുപടി
സൗദി അറേബ്യയില്‍ വാഹനാപകടത്തില്‍ മകള്‍ മരണപ്പെട്ടു… അര്‍ഹമായ നഷ്ടപരിഹാരത്തുക നേടുന്നതെങ്ങനെ?
‘ഇക്കാമ എടുത്തിട്ടില്ല; ഇവിടുന്ന് രക്ഷപ്പെടണം; ഞാന്‍ എന്തു ചെയ്യണം?’ സൗദി പോസ്റ്റ് ആരംഭിക്കുന്നു…