ചോദ്യം 1
ഞാന്‍ സൗദി ആരോഗ്യ മന്ത്രാലയത്തില്‍ നേഴ്‌സ് ആയി ജോലി നോക്കുകയാണ്. ഇപ്പോള്‍ ഞാന്‍ ജോലി രാജിവച്ച് നാട്ടിലേക്ക് എക്‌സിറ്റില്‍ പോകാനുള്ള തയ്യാറെടുപ്പിലാണ്. എന്റെ ഭര്‍ത്താവ് ഇപ്പോള്‍ എന്റെ സ്‌പോണ്‍സര്‍ഷിപ്പിലുള്ള സന്ദര്‍ശക വിസയില്‍ സൗദിയില്‍ ഉണ്ട്. എനിക്കും ഭര്‍ത്താവിനും ഒരുമിച്ച് നാട്ടിലേക്ക് പോകാന്‍ കഴിയുമോ?
എന്റെ ഇക്കാമയും പാസ്‌പോര്‍ട്ടും ഫൈനല്‍ എക്‌സിറ്റിന് വേണ്ടി നേരത്തേ ഓഫീസില്‍ കൊടുത്തിരുന്നു. രണ്ടു ദിവസം കഴിഞ്ഞപ്പോള്‍ വിസ അടിച്ചെന്നു പറഞ്ഞു പാസ്‌പോര്‍ട്ട് തിരിച്ചുതന്നു. പാസ്‌പോര്‍ട്ടില്‍ വിസ നമ്പര്‍ ഒന്നും എഴുതിയിട്ടില്ല. ഞാന്‍ ഓണ്‍ ലൈനില്‍ ചെക്ക് ചെയ്തപ്പോള്‍ “ഇന്‍വാലിഡ്” എന്ന് കാണിക്കുന്നു. എന്റെ ഓഫീസിലെ മന്തൂബിനു അറബി മാത്രമേ അറിയൂ. എന്റെ സംശയങ്ങള്‍ ദൂരീകരിക്കാന്‍ കഴിയുന്നില്ല.
സൗമ്യ വിശ്വനാഥന്‍, റിയാദ്
ഉത്തരം
നിങ്ങള്‍ ഓണ്‍ ലൈനില്‍ ചെക്ക് ചെയ്തപ്പോള്‍ “ഇന്‍വാലിഡ്” എന്ന് കാണിച്ചത് ശരിയാകാനാണ് സാധ്യത. കാരണം നിങ്ങളുടെ എക്‌സിറ്റ് വിസ അടിക്കണമെങ്കില്‍ നിങ്ങളുടെ സ്‌പോണ്‍സര്‍ഷിപ്പില്‍ സന്ദര്‍ശക വിസയിലെത്തിയ ഭര്‍ത്താവ് സൗദി അറേബ്യ വിടേണ്ടതുണ്ട്.
അതിനാല്‍ നിങ്ങള്‍ രണ്ടാള്‍ക്കും ഒരുമിച്ച് നാട്ടിലേക്ക് തിരിച്ചുപോകാന്‍ കഴിയില്ല.
വിസ സ്റ്റാറ്റസ് ചെക്ക് ചെയ്യുന്നതിന് താഴെപ്പറയുന്ന ലിങ്ക് ഉപയോഗിക്കാം: https://www.eserve.com.sa/VVSWeb/
ചോദ്യം 2
ഞാന്‍ റിയാദിലാണ് ജനിച്ചത്. 1994ല്‍ ഉമ്മയുടെ പാസ്‌പോര്‍ട്ടില്‍ നാട്ടിലേക്ക് വന്നപ്പോള്‍ ജനന സര്‍ട്ടിഫിക്കറ്റ് വാങ്ങാന്‍ സാധിച്ചില്ല. ഇപ്പോള്‍ ഞാന്‍ പാസ്‌പോര്‍ട്ട് എടുക്കാനായി എത്തിയപ്പോള്‍ ജനനസര്‍ട്ടിഫിക്കറ്റ് ചോദിച്ചു. ഉമ്മയുടെ പാസ്‌പോര്‍ട്ട് കാണിച്ചു. പക്ഷേ അതില്‍ ജനിച്ച തിയ്യതി തെറ്റാണ്. സ്‌കൂള്‍കോളേജ് തലങ്ങളില്‍ എന്റെ ജനനത്തീയതിയാണ് ഒറിജിനല്‍. ഞാന്‍ റിയാദിലെ അത്തിക്ക ആശുപത്രിയിലാണ് ജനിച്ചത്. എന്റെ ജനനസര്‍ട്ടിഫിക്കറ്റ് കിട്ടാന്‍ എന്ത് ചെയ്യണം?
ഹാഷിം ബഷീര്‍, കോഴിക്കോട്
ഉത്തരം
നിങ്ങള്‍ ജനിച്ച ആശുപത്രിയിലെ രേഖകളില്‍ അന്വേഷിച്ചാല്‍ ജനനവിജ്ഞാപനം കിട്ടും. ഇതിനോടൊപ്പം നിങ്ങളുടെ മാതാവിന്റെയും പിതാവിന്റെയും പാസ്‌പോര്‍ട്ട് കോപ്പികളും ഇക്കാമ കോപ്പികളും പൂരിപ്പിച്ച ഫോറവുമായി (https://www.moi.gov.sa/wps/wcm/connect/e9fbb8004d4bb7668c20ddbed7ca8368/civil_affairs_87.pdf?MOD=AJPERES&CACHEID=e9fbb8004d4bb7668c20ddbed7ca8368&CSRT=14255656188791028502) ജനന മരണങ്ങള്‍ രജിസ്റ്റര്‍ ചെയ്യാനുള്ള സിവില്‍ അഫയേഴ്‌സ് ഓഫീസില്‍ കൊടുത്താല്‍ ചിലപ്പോള്‍ സൗദി സര്‍ക്കാര്‍ അംഗീകരിച്ചിട്ടുള്ള അസ്സല്‍ ജനന സര്‍ട്ടിഫിക്കറ്റ് കിട്ടിയേക്കാം.
എന്നാല്‍ ഈ സര്‍ട്ടിഫിക്കറ്റ് കിട്ടുന്ന കാര്യം വളരെ ബുദ്ധിമുട്ടുള്ള കാര്യമാണെന്ന് കൂടി പറഞ്ഞു കൊള്ളട്ടെ. അതുകൊണ്ട് നിങ്ങള്‍ ജനിച്ച ആശുപത്രിയില്‍ നിന്നും കിട്ടുന്ന വിജ്ഞാപനം വിവര്‍ത്തനം ചെയ്തു ഇന്ത്യന്‍ എംബസ്സിയെക്കൊണ്ട് സാക്ഷ്യപ്പെടുത്തി നാട്ടിലെ പാസ്‌പോര്‍ട്ട് ഓഫീസില്‍ കൊടുത്താലും മതിയാവും. എന്നാല്‍ ഇവിടെയും എംബസ്സിയിലെ കോണ്‍സുലാര്‍ ഉദ്യോഗസ്ഥനെ ബോധ്യപ്പെടുത്തുന്നതിനു വേണ്ട രേഖകള്‍ സമര്‍പ്പിക്കേണ്ടതുണ്ട്.
സംശയങ്ങള്‍ വസ്തുതകള്‍ ആമുഖം
സൗദി അറേബ്യയില്‍ ജീവിക്കുന്ന 28 ലക്ഷത്തോളം ഇന്ത്യാക്കാരില്‍ 11 ലക്ഷവും (40 ശതമാനം) മലയാളികളാണെന്നാണ് ഒരേകദേശ കണക്ക്. സാധാരണ തൊഴിലാളികളും ചെറുകിട കച്ചവടക്കാരുമായ ഭൂരിപക്ഷവും ഇടത്തരക്കാരും സമ്പന്നരായ ന്യൂനപക്ഷവുമാണ് സൗദി മലയാളിയുടെ ക്രോസ് സെക്ഷന്‍.
ഇന്ത്യയുടെതില്‍ നിന്നും വളരെ വ്യത്യസ്തമായ തൊഴില്‍ ബന്ധങ്ങളും സാമൂഹ്യചുറ്റുപാടുകളും സര്‍ക്കാര്‍ സംവിധാനങ്ങളും നീതി ന്യായ വ്യവസ്ഥകളും നില നില്‍ക്കുന്ന ഈ രാജ്യത്ത് ജീവിക്കുന്ന ഒരു സാധാരണ മലയാളി തന്റെ ദൈനംദിന ജീവിതത്തില്‍ അഭിമുഖീകരിക്കേണ്ടിവരുന്ന പ്രശ്‌നങ്ങള്‍ എന്തൊക്കെയാണ്? അവയുടെ പരിഹാരമാര്‍ഗങ്ങള്‍ എന്തൊക്കെയാണ്?
സൗദിയിലേക്ക് വരുന്നതിനു മുന്‍പ് അറിഞ്ഞിരിക്കേണ്ട കാര്യങ്ങളും ചെയ്യേണ്ട നടപടിക്രമങ്ങളും ഏതെല്ലാമാണ്?
കേന്ദ്രസംസ്ഥാന സര്‍ക്കാറുകള്‍ പ്രവാസികള്‍ക്കായി നടപ്പാക്കിയിട്ടുള്ള ക്ഷേമ പരിപാടികള്‍ എന്തൊക്കെ? അവ എങ്ങനെ പ്രയോജനപ്പെടുത്താം? മടങ്ങിപ്പോകുന്ന പ്രവാസികള്‍ക്കുള്ള പുനരധിവാസ പദ്ധതികള്‍ ഏതൊക്കെ? സൗദി ജീവിതവുമായി ബന്ധപ്പെട്ട് നിങ്ങളുടെ എല്ലാ സംശയങ്ങളും ഞങ്ങളെ എഴുതി അറിയിക്കുക.
കഴിഞ്ഞ രണ്ടു പതിറ്റാണ്ടിലേറെയായി സൗദി അറേബ്യയില്‍ സാമൂഹ്യ പ്രവര്‍ത്തന രംഗത്ത് സജീവ സാന്നിധ്യമായ നിയമ വിദഗ്ദ്ധന്‍ ആര്‍. മുരളീധരന്‍ നിങ്ങളുടെ സംശയങ്ങള്‍ക്ക് എല്ലാ ചെവ്വാഴ്ച്ചകളിലും മറുപടി പറയുന്നു. (പേരും വിലാസവും പ്രസിദ്ധപ്പെടുത്താന്‍ ആഗ്രഹമില്ലാത്തവര്‍ അത് പ്രത്യേകം സൂചിപ്പിക്കുമല്ലോ.) സംശയങ്ങള്‍ അയക്കേണ്ട ഇമെയില്‍ ഐ.ഡി saudipost@doolnews.com. പോസ്റ്റലില്‍ അയക്കുന്നവര്‍ ഈ വിലാസത്തില്‍ അയക്കുക:
Saudi Post
Doolnews.com
UKS Road, Calicut 1
കൂടുതല്‍ സംശയങ്ങള്‍:-
കമ്പനി ഗ്രാറ്റ്വിറ്റി (സര്‍വീസ് പ്രതിഫലം) നിഷേധിക്കുന്നു; എവിടെ പരാതിപ്പെടണം?
പാസ്‌പോര്‍ട്ട് പുതുക്കണം; എംബസ്സിയാണോ നാടാണോ കൂടുതല്‍ സൗകര്യപ്രദം?
ആദ്യഭാര്യയുടെ വീട്ടുകാര്‍ പീഡിപ്പിക്കുന്നു; എന്‍.ആര്‍.ഐ സെല്ലിന് നടപടി എടുക്കാനാവുമോ?
ഇന്ത്യയില്‍ നിന്നും കുട്ടിയെ ദത്തെടുക്കണം, എന്താണ് നടപടി ക്രമങ്ങള്‍?
സഹോദരങ്ങള്‍ക്ക് സന്ദര്‍ശക വിസ കിട്ടുമോ?
പ്രൊഫഷന്‍ മാറ്റാന്‍ കമ്പനി തയ്യാറാവുന്നില്ല, സ്വയം മാറ്റാന്‍ കഴിയുമോ?
ഓണ്‍ലൈന്‍ വിവാഹ രജിസ്‌ട്രേഷന്‍ സാധ്യമാണോ?
ഇക്കാമ കളവുപോയി; ഡൂപ്ലിക്കേറ്റ് കിട്ടാന്‍ എന്താണ് വഴി?
വിവാഹം പതിനഞ്ചാം വയസ്സില്‍; എങ്ങനെ രജിസ്റ്റര്‍ ചെയ്യും?
സന്ദര്‍ശക വിസക്ക് മെഡിക്കല്‍ ഇന്‍ഷുറന്‍സ് നിര്‍ബന്ധമോ?
ബാങ്ക് അക്കൗണ്ട് ഇല്ല; നാട്ടിലേക്ക് എങ്ങനെ പണം അയക്കും?
ഇന്‍ഷുറന്‍സ് കമ്പനി അര്‍ഹതപ്പെട്ട നഷ്ടപരിഹാരം തടഞ്ഞു; എവിടെ അപ്പീല്‍ കൊടുക്കണം?
സ്‌പോണ്‍സര്‍ അകാരണമായി പീഡിപ്പിക്കുന്നു; എവിടെ പരാതിപ്പെടണം?
ഭര്‍ത്താവ് പീഡിപ്പിക്കുന്നു; വിവാഹമോചനം വേണം
ഭാര്യയുടെയും മകളുടെയും റിഎന്‍ട്രി വിസ കാലാവധി കഴിഞ്ഞു. ഇനി മടങ്ങി വരാന്‍ കഴിയുമോ?
ഇക്കാമ പുതുക്കാത്തതിനാല്‍ ബാങ്ക് അക്കൗണ്ട് മരവിപ്പിച്ചു; എങ്ങനെ പണം പിന്‍വലിക്കും?
അമ്മയെ സ്ഥിരം വിസയില്‍ കൊണ്ടുവരണം; എന്താണ് നടപടിക്രമങ്ങള്‍?
ഞങ്ങള്‍ സൗദിയില്‍ വിവാഹിതരാകാന്‍ ആഗ്രഹിക്കുന്നു; ഇന്ത്യന്‍ എംബസ്സി ഞങ്ങളുടെ വിവാഹം നടത്തിത്തരുമോ?
കുട്ടിയുടെ ജനനം 8 വയസ്സായിട്ടും രജിസ്റ്റര്‍ ചെയ്തില്ല; പാസ്‌പോര്‍ട്ട് എങ്ങനെ എടുക്കും?
സയന്റിസ്റ്റായ എനിക്ക് വീട്ടുജോലിക്കാരിയെ നിയമിക്കണം, എന്താണ് നടപടിക്രമങ്ങള്‍?
യു.എ.ഇ വിസ റദ്ദ് ചെയ്യാതെ സൗദിയില്‍ ജോലി ചെയ്യുന്നു; ഇനി യു.എ.ഇ യില്‍ പ്രവേശിക്കാന്‍ കഴിയുമോ?
കഫീല്‍ സഹകരിക്കും; ഹുറൂബ് എങ്ങനെ പിന്‍വലിക്കണം?
സൗദി സന്ദര്‍ശ്ശക വിസ-ചോദ്യങ്ങള്‍ക്കുള്ള മറുപടി
സൗദി ബാങ്കില്‍നിന്നും കടമെടുത്ത തുക തിരിച്ചടക്കാതെ രാജ്യം വിട്ടു; ഇനി തിരിച്ചുപോകാനാവുമോ?
മോഷ്ടിച്ച വിസയില്‍ വന്ന് കുടുങ്ങി, എങ്ങനെ നാട്ടിലെത്തും?
സ്‌പോണ്‍സര്‍ഷിപ് മാറാന്‍ കഫീല്‍ അനുവദിക്കുന്നില്ല; എന്ത് ചെയ്യണം?
കഫീലിന് തൊഴിലാളിയെ ബ്ലാക്ക് ലിസ്റ്റ് ചെയ്യാനുള്ള അധികാരം ഉണ്ടോ?
മകളെ സന്ദര്‍ശക വിസയില്‍ സൗദിയില്‍ കൊണ്ടുവരാന്‍ എന്തുചെയ്യണം
രണ്ട് പാസ്‌പോര്‍ട്ടുകളില്‍ ഒന്ന് സറണ്ടര്‍ ചെയ്യണോ ?
സൗദിയില്‍ ഒരു സ്ത്രീക്ക് ഒറ്റയ്ക്ക് വരാന്‍ വിസ കിട്ടുമോ ?
ആശ്രിത വിസയിലുള്ള എനിക്ക് അധ്യാപികയായി ജോലി ചെയ്യാനാവുമോ?
ആശ്രിതരുടെ റീ എന്‍ട്രി വിസ സമയപരിധി ദീര്‍ഘിപ്പിക്കാനാവുമോ?
“എന്റെ ഇക്കാമ ഹുറൂബാക്കി; ഇത് പിന്‍വലിക്കാന്‍ എന്താണു വഴി?”
എങ്ങനെയാണ് കുവൈറ്റിലുള്ള എനിക്ക് സൗദിയില്‍ നിന്നും പോലീസ് ക്ലിയറന്‍സ് സര്‍ട്ടിഫിക്കറ്റ് കിട്ടുക?
ഡൂള്‍ ന്യൂസ് ഇംപാക്ട് – ലിസ്സി മാത്യൂവിന്റെ കത്തിന് എംബസിയുടെ മറുപടി
സൗദി അറേബ്യയില്‍ വാഹനാപകടത്തില്‍ മകള്‍ മരണപ്പെട്ടു… അര്‍ഹമായ നഷ്ടപരിഹാരത്തുക നേടുന്നതെങ്ങനെ?
‘ഇക്കാമ എടുത്തിട്ടില്ല; ഇവിടുന്ന് രക്ഷപ്പെടണം; ഞാന്‍ എന്തു ചെയ്യണം?’ സൗദി പോസ്റ്റ് ആരംഭിക്കുന്നു…