ജവഹര്‍ലാല്‍ നെഹ്റുവിനെ വിമര്‍ശിക്കുക എന്നത് ബി.ജെ.പിയുടെ എക്കാലത്തെയും തന്ത്രം: സോണിയ ഗാന്ധി
ഡൂള്‍ന്യൂസ് ഡെസ്‌ക്
Tuesday, 5th April 2022, 4:24 pm
ന്യൂദല്‍ഹി:ബി.ജെ.പി ചരിത്രത്തെ വളച്ചൊടിക്കുകയാണെന്ന് കോണ്‍ഗ്രസ് അധ്യക്ഷ സോണിയ ഗാന്ധി.
ചരിത്രം പുരാതനമല്ല, സമകാലികവുമാണെന്നും ബി.ജെ.പി അത് വികൃതമായി വളച്ചൊടിക്കുകയാണെന്നും സോണിയ പറഞ്ഞു. വിദ്വേഷം പടര്‍ത്തുന്ന ഈ ശക്തികളെ നേരിടാന്‍ എല്ലാവര്‍ക്കും സാധിക്കണമെന്നും സോണിയ പറഞ്ഞു. നൂറ്റാണ്ടുകളായി ഇന്ത്യയുടെ വൈവിധ്യമാര്‍ന്ന സമൂഹത്തില്‍ സുസ്ഥിരവും സമ്പന്നവുമായ സൗഹാര്‍ദത്തിന്റെയും ഐക്യത്തിന്റെയും ബന്ധങ്ങള്‍ തകര്‍ക്കാന്‍ അവരെ അനുവദിക്കില്ലെന്നും സോണിയ ഗാന്ധി പറഞ്ഞു.
