ഞാന്‍ ഹിന്ദുവാണ്, ഹിന്ദുമതത്തിന്റെ പേറ്റന്റ് ബി.ജെ.പിയ്ക്കല്ല; രാമക്ഷേത്ര നിര്‍മ്മാണത്തെ അനുകൂലിച്ചത് ചോദ്യം ചെയ്ത ടി.എന്‍ പ്രതാപന് കമല്‍നാഥിന്റെ മറുപടി
ഡൂള്‍ന്യൂസ് ഡെസ്‌ക്
Saturday, 15th August 2020, 7:57 pm
ഭോപ്പാല്‍: രാമക്ഷേത്ര നിര്‍മ്മാണത്തെ അനുകൂലിച്ച തനിക്കെതിരെ കോണ്‍ഗ്രസ് അധ്യക്ഷ സോണിയ ഗാന്ധിയ്ക്ക് പരാതി നല്‍കിയ ടി.എന്‍ പ്രതാപന് എം.പിയ്ക്ക് മധ്യപ്രദേശ് മുന്‍ മുഖ്യമന്ത്രി കമല്‍നാഥിന്റെ മറുപടി. താന്‍ ഹിന്ദുവാണെന്നും അതേസമയം മറ്റ് മതങ്ങളെ ബഹുമാനിക്കുന്നുവെന്നും കമല്‍നാഥ് പറഞ്ഞു.
നേരത്തെ ടി.എന്‍ പ്രതാപന് കോണ്‍ഗ്രസിലെ മുതിര്‍ന്ന നേതാക്കള്‍ രാമക്ഷേത്ര നിര്‍മ്മാണത്തെ അനുകൂലിച്ച് രംഗത്തെത്തിയതിനെതിരെ സോണിയയ്ക്ക് കത്തയച്ചിരുന്നു. കമല്‍നാഥും ദിഗ് വിജയ് സിംഗും നടത്തിയ പ്രസ്താവനകള്‍ താല്‍ക്കാലിക ലാഭത്തിനായി ശിരസ് കുനിക്കുന്നതിന് തുല്യമാണ് എന്നായിരുന്നു പ്രതാപന്റെ പരാമര്‍ശം.
