രാത്രി മുഴുവന്‍ ധ്യാനത്തിലിരിക്കുന്ന മോദിക്കെന്തിനാണ് കട്ടിലും കിടക്കയും ഹാങ്ങറും കണ്ണടയും!!: ചോദ്യമുയര്‍ത്തി സോഷ്യല്‍ മീഡിയ
ഡൂള്‍ന്യൂസ് ഡെസ്‌ക്
Sunday, 19th May 2019, 8:16 am
കേദാര്‍നാഥ്: കേദാര്‍നാഥിലെ ഗുഹയില്‍ പ്രധാനമന്ത്രി നരേന്ദ്രമോദി ഒരു രാത്രി മുഴുവന്‍ ധ്യാനത്തിലിരിക്കുമെന്ന ബി.ജെ.പിയുടെ അവകാശവാദത്തില്‍ സംശയമുയര്‍ത്തി സോഷ്യല്‍ മീഡിയ. ഗുഹയില്‍ മോദിയ്ക്ക് കിടന്നുറങ്ങാനുള്ള സൗകര്യങ്ങള്‍ ഒരുക്കിയിട്ടുണ്ടെന്ന് ചിത്രസഹിതം ചൂണ്ടിക്കാട്ടിയാണ് സോഷ്യല്‍ മീഡിയ ആരോപണം ഉന്നയിക്കുന്നത്.
കേദാര്‍നാഥില്‍ ധ്യാനത്തിലിരിക്കുന്ന മോദിയുടെ ചിത്രങ്ങള്‍ സമൂഹ മാധ്യമങ്ങളില്‍ ചര്‍ച്ചയായിരുന്നു. വെളുത്ത ഷീറ്റ് വിരിച്ച കട്ടിലിന്റെ ഒരറ്റത്ത് കണ്ണടച്ചിരിക്കുന്ന മോദിയുടെ ചിത്രങ്ങളാണ് പുറത്തുവന്നത്. കണ്ണട അദ്ദേഹം ഊരി മാറ്റിയിരുന്നില്ല. കൂടാതെ ഗുഹയുടെ ഒരുഭാഗത്ത് വസ്ത്രങ്ങള്‍ ഊരിവെക്കാനുള്ള ഹാങ്ങറും ഘടിപ്പിച്ചതായി കാണാം. ഇക്കാര്യങ്ങള്‍ ചൂണ്ടിക്കാട്ടിയാണ് സോഷ്യല്‍ മീഡിയ സംശയം ഉന്നയിക്കുന്നത്.
