കോഴിക്കോട്: കേരളത്തില്‍ 100 ശതമാനം ആധാറെന്ന മലയാള മനോരമ റിപ്പോര്‍ട്ടിനെ പൊളിച്ചടുക്കി സോഷ്യല്‍മീഡിയ. കഴിഞ്ഞ ദിവസമാണ് കേരളം ആധാറില്‍ സമ്പൂര്‍ണമാണെന്ന റിപ്പോര്‍ട്ട് മലയാള മനോരമ നല്‍കിയത്. റിപ്പോര്‍ട്ട് പ്രസിദ്ധീകരിച്ചതിന് പിന്നാലെത്തന്നെ നൂറു ശതമാനമെന്ന വാദം തെറ്റാണെന്ന് ചൂണ്ടിക്കാട്ടി സോഷ്യല്‍ മീഡിയ രംഗത്തെത്തുകയും ചെയ്തു.
Also read ‘ഇതിനെ പാകിസ്ഥാന്‍ സാരിയെന്നു വിളിക്കുമോ?’ സാരിയെ വര്‍ഗീയവത്കരിച്ച രവീണയ്ക്ക് കേരളാ സാരി ധരിച്ച് ഷെഹ്‌ല റാഷിദിന്റെ മറുപടി
ആധാര്‍ നിര്ബന്ധമല്ലെന്ന് സുപ്രീം കോടതിയും ആധാറില്ലാത്തവര് പല കാര്യങ്ങള്ക്കും അനര്ഹരാണെന്ന് കേന്ദ്രസര്ക്കാറും ഉത്തരവുകള് പുറപ്പെടുവിച്ച്് കൊണ്ടിരിക്കവോണ് കേരളത്തില്‍ ആധാര്‍ സമ്പൂര്‍ണമാണെന്ന കണ്ടത്തലുമായി മലയാള മനോരമയെത്തിയത്. ആദായ നികുതി റിട്ടേണുകള് നല്കാന് ആധാര്‍ കാര്ഡുള്ളവര് അത് പാന് കാര്ഡുമായി ലിങ്ക് ചെയ്യണമെന്ന കോടതി ഉത്തരവ് വന്നതോടെയാണ് “കേരളത്തില്‍ ആധാര്‍ സമ്പൂര്ണമായതിനാല് “ആദായ നികുതി അടയ്ക്കുന്നവരെല്ലാം ആധാര്‍-പാന് ബന്ധിപ്പിക്കല് നടത്തേണ്ടി വരുമെന്ന്” മനോരമ റിപ്പോര്‍ട്ട് ചെയ്തത്.
“കേരളത്തില്‍ 2015 ലെ ജനസംഖ്യ 3,53,15,493 എന്നാണു കണക്കാക്കുന്നത്. കഴിഞ്ഞ മാസം 15 വരെയുള്ള കണക്കു പ്രകാരം കേരളത്തില്‍ 3,53,48,719 ആധാര്‍ കാര്‍ഡുകള്‍ വിതരണം ചെയ്തിട്ടുണ്ട്.” എന്നാണ് “കേരളത്തില്‍ ആധാര്‍ സമ്പൂര്‍ണം” എന്ന തലക്കെട്ടില്‍ മനോരമ വാര്‍ത്ത നല്‍കിയത്.
Dont miss കര്‍ഷകപ്രക്ഷോഭം; പ്രശ്‌നം പരിഹരാക്കാതെ മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന്‍ നിരാഹാര സമരം അവസാനിപ്പിച്ചു
വാര്‍ത്ത ഫേസ്ബുക്കില് പോസ്റ്റ് ചെയ്താണ് പലരും തങ്ങള് ആധാര്‍ എടുത്തിട്ടില്ലലോ പിന്നെയെങ്ങനെ 100 ശതമാനം ആകുമെന്ന് ചോദിച്ചത്. മാധ്യമ പ്രവര്ത്തകനായ സുധീപ് ജെ സലിം “ആധാറില്ലാത്തവരിലെ ജീവിക്കുന്ന തെളിവാണ് ഈ ഞാന് ! നൂറുകണക്കിന് മനുഷ്യര് വേറെയും ആധാറിനടിമപ്പെടാതെ കേരളത്തിലുണ്ട് ! പിന്നെങ്ങനാണ് ഈ ഒന്നാം പേജില് “കേരളത്തില്‍ ആധാര്‍ സമ്പൂര്ണ്ണം” എന്ന് ബോക്സ് ഐറ്റം ഉണ്ടായത് ! ആധാര്‍ ലോബിയെ സഹായിക്കാനല്ലങ്കില് വാര്‍ത്ത തിരുത്താന്‍ മനോരമ തയ്യാറകണം. ഒപ്പം, ആധാര്‍ എടുക്കാത്തവര്‍
ഈ പോസ്റ്റിന് താഴെ അണിനിരന്ന് കേരളത്തില്‍ നൂറു ശതമാനം പേരും ആധാര്‍ നേടിയെന്ന നുണ പൊളിക്കാന് സഹകരിക്കണമെന്ന് അഭ്യര്ത്ഥിക്കുന്നു.” എന്നു പറഞ്ഞ് #ReThinkAadhaar എന്ന ഹാഷ് ടാഗോടു കൂടിയാണ് വാര്‍ത്ത പോസ്റ്റ് ചെയ്തത്. സുധീപിന്റെ പോസ്റ്റിനെ പിന്തുണച്ച് നിരവധി കമന്റുകളും എത്തിയിട്ടുണ്ട്.
മുന്‍ മാധ്യമ പ്രവര്‍ത്തകന്‍ മനോജ് കെ പുതിയ വിള “ഞാനുണ്ട്, Sudeep J. Salim ഉണ്ട്, Anivar Aravind ഉണ്ട്, അങ്ങനെ എത്രയോപേര്‍ ആധാര്‍ എടുക്കാത്തവര്‍ ഉണ്ട്! അപ്പോള്‍ ഈ വാര്‍ത്ത തെറ്റല്ലേ? തിരുത്തണ്ടേ? തിരുത്തുമോ മനോരമ. (ഈ പോസ്റ്റിന്റെ താഴെയുള്ള കമന്റുകള്‍ കണ്ടു കണ്ണുതള്ളി!)” എന്നു പറഞ്ഞാണ് വാര്‍ത്ത പോസ്റ്റ് ചെയ്തത്.
You must read this ‘സാരിയാണ് ധരിച്ചത്.. ഇനിയെന്നെ സംഘിയെന്നു വിളിക്കുമോ’യെന്ന് രവീണ ടെണ്ടന്‍: സാരിയെ വര്‍ഗീയവത്കരിച്ച നടിയ്ക്ക് സോഷ്യല്‍ മീഡിയയില്‍ ട്രോള്‍
തെറ്റായി നല്‍കിയ വാര്‍ത്ത തിരുത്താന്‍ മനോരമ തയ്യാറാകുമോയെന്നാണ് സോഷ്യല്‍ മീഡിയയിലൂടെ പലരും ചോദിക്കുന്നത്.