നേതാജിയുടെ ബന്ധുക്കള്‍ക്ക് നട്ടെല്ല് പാരമ്പര്യമായി ലഭിച്ചതില്‍ സന്തോഷിക്കുന്നു; ബി.ജെ.പി നേതാക്കളെ നേതാജി ഭവന് പുറത്തുനിര്‍ത്തിയതില്‍ മഹുവ
ഡൂള്‍ന്യൂസ് ഡെസ്‌ക്
Monday, 25th January 2021, 11:38 am
കൊല്‍ക്കത്ത: സുഭാഷ് ചന്ദ്ര ബോസിന്റെ 125-ാം ജന്മവാര്‍ഷികാഘോഷത്തെ രാഷ്ട്രീയവല്‍ക്കരിക്കുന്നതിനെതിരെ രംഗത്തെത്തിയ ചരിത്രകാരനും സുഭാഷ് ചന്ദ്രബോസിന്റെ അനന്തരവനുമായ സുഗത ബോസിനെ അഭിനന്ദിച്ച് തൃണമൂല്‍കോണ്‍ഗ്രസ് നേതാവ് മഹുവ മൊയ്ത്ര.നേതാജിയുടെ ബന്ധുവിന് പാരമ്പര്യമായി നട്ടെല്ല് ലഭിച്ചതില്‍ സന്തോഷം എന്നാണ് മഹുവ പറഞ്ഞത്.
” നേതാജിയുടെ ബന്ധുക്കള്‍ക്ക് നട്ടെല്ല് പാരമ്പര്യമായി ലഭിച്ചതില്‍ സന്തോഷമുണ്ട്. പ്രധാനമന്ത്രിയെ കാവി നേതാവായിട്ടല്ലാതെ പ്രധാനമന്ത്രിയായി വീട്ടിലേക്ക് സ്വാഗതം ചെയ്യുകയും കിങ്കരന്മാരെ പുറത്തുനിര്‍ത്തുകയും ചെയ്തു,” എന്നായിരുന്നു മഹുവ മൊയ്ത്രയുടെ പ്രതികരണം.
