ജോമോനെ എല്ലാവര്ക്കും ഇഷ്ടമായതില്‍ വളരെ സന്തോഷം; ജോജിയുടെ വിജയത്തില്‍ നന്ദി പറഞ്ഞ് ബാബുരാജ്
എന്റര്‍ടെയിന്‍മെന്റ് ഡെസ്‌ക്
Friday, 9th April 2021, 6:31 pm
കൊച്ചി: ആമസോണ്‍ പ്രൈമില്‍ റിലീസ് ചെയ്ത ഫഹദ് ഫാസില്‍ നായകനായ ജോജിക്ക് നിരവധി അഭിനന്ദനങ്ങളാണ് വന്നുകൊണ്ടിരിക്കുന്നത്. ദിലീഷ് പോത്തന്‍ സംവിധാനം ചെയ്ത ചിത്രത്തിന്റെ തിരക്കഥ ശ്യാം പുഷ്‌ക്കരന്‍ ആയിരുന്നു.
ചിത്രത്തിലെ പ്രധാന കഥാപാത്രങ്ങളില്‍ ഒരാളായ ജോമോനെ അവതരിപ്പിച്ച ബാബുരാജിനെയും നിരവധി പേരാണ് അഭിനന്ദിച്ചത്. ഇപ്പോഴിതാ പ്രേക്ഷകര്‍ക്ക് നന്ദി പറഞ്ഞ് എത്തിയിരിക്കുകയാണ് ബാബുരാജ്.
തന്റെ ഫേസ്ബുക്ക് പേജിലൂടെയാണ് അദ്ദേഹം പ്രേക്ഷകര്‍ക്ക് നന്ദി പറഞ്ഞിരിക്കുന്നത്. ജോജി എന്ന സിനിമയുടെ വിജയത്തിലും ജോമോന്‍ എന്ന കഥാപാത്രം നിങ്ങള്‍ക്ക് എല്ലാവര്ക്കും ഇഷ്ടപെട്ടതിലും സന്തോഷമുണ്ട്. ഇന്ന് ആമസോണ്‍ സംഘടിപ്പിക്കുന്ന വാച്ച് പാര്‍ട്ടിയില്‍ നിങ്ങളോടൊപ്പം ഞാനുമുണ്ടാകും. എല്ലാവര്ക്കും ഒരിക്കല്‍ കൂടെ നന്ദി അറിയിക്കുന്നു എന്നാണ് ബാബുരാജ് പറയുന്നത്.
