ലൈംഗികാധിക്ഷേപം നടത്തിയ അധ്യാപകനെതിരെ പരാതി നല്‍കിയതിന് വിദ്യാര്‍ത്ഥിനികള്‍ക്കെതിരെ പ്രതികാര നടപടിയുമായി ചെമ്പഴന്തി എസ്.എന്‍ കോളേജ്
ഡൂള്‍ന്യൂസ് ഡെസ്‌ക്
Friday, 15th October 2021, 8:36 am
തിരുവനന്തപുരം: അധ്യാപകനെതിരെ ലൈംഗികാധിക്ഷേപത്തിന് പരാതി നല്‍കിയ വിദ്യാര്‍ത്ഥിനികള്‍ക്കെതിരെ പ്രതികാര നടപടിയുമായി ചെമ്പഴന്തി എസ്.എന്‍ കോളേജ് മാനേജ്‌മെന്റ്.
പരാതിക്കാരായ വിദ്യാര്‍ത്ഥിനികളുടെ പെരുമാറ്റ സര്‍ട്ടിഫിക്കറ്റില്‍ തൃപ്തികരമെന്ന് മാത്രം രേഖപ്പെടുത്തിയെന്നാണ് പരാതി. ഇത് മനപ്പൂര്‍വ്വമാണെന്നാണ് വിദ്യാര്‍ത്ഥിനികളുടെ ആരോപണം.
രാത്രിസമയങ്ങളില്‍ ഫോണിലൂടെ ശല്യം ചെയ്‌തെന്നും ലൈംഗികചുവയോടെ പെരുമാറിയെന്നും ആരോപിച്ചായിരുന്നു പൊളിറ്റിക്കല്‍ സയന്‍സ് ഡിപ്പാര്‍ട്ട്‌മെന്റിലെ അധ്യാപകനായ ടി. അഭിലാഷിനെതിരെ വിദ്യാര്‍ത്ഥികള്‍ പരാതി നല്‍കിയത്.
2021 ആഗസ്റ്റ് ഒന്നിനാണ് ആറ് വിദ്യാര്‍ത്ഥികള്‍ പരാതി നല്‍കിയത്. ഇവരില്‍ അവസാന വര്‍ഷക്കാരായ രണ്ട് പേരാണ് കോണ്ടാക്ട് സര്‍ട്ടിഫിക്കറ്റിന് അപേക്ഷിച്ചത്.
