രോഹിത്, കോഹ്‌ലി, ഗംഭീര്‍ എല്ലാവരും മാറി നില്‍ക്കു; ഇവിടെ മന്ദാന ഭരിക്കും ! ഒരു ലോഡ് റെക്കോഡുമായി സ്മൃതി മന്ദാന
സ്പോര്‍ട്സ് ഡെസ്‌ക്
Saturday, 6th August 2022, 5:49 pm
കോമണ്‍വെല്‍ത്ത് ഗെയിംസ് ക്രിക്കറ്റില്‍ ഇന്ത്യ-ഇംഗ്ലണ്ട് പോരാട്ടത്തില്‍ റെക്കോഡിന്റെ മേളവുമായി സ്മൃതി മന്ദാന. ടോസ് നേടി ബാറ്റിങ് ആരംഭിച്ച ഇന്ത്യക്ക് മികച്ച തുടക്കമാണ് മന്ദാന നല്‍കിയത്.
അതിവേഗം സ്‌കോര്‍ ചെയ്ത മന്ദാന റെക്കോഡുകള്‍ തകര്‍ത്താണ് മുന്നോട്ട് നീങ്ങിയത്. വെറും 23ാം പന്തില്‍ തന്നെ അര്‍ധസെഞ്ച്വറി നേടാന്‍ അവര്‍ക്ക് സാധിച്ചിരുന്നു. ഇന്ത്യക്കായി വുമന്‍സ് ക്രിക്കറ്റില്‍ ഒരു താരം ട്വന്റി-20യില്‍ നേടുന്ന ഏറ്റവും വേഗത്തിലുള്ള അര്‍ധസെഞ്ച്വറിയും ഇതുതന്നെയാണ്.
24 പന്തില്‍ അര്‍ധസെഞ്ച്വറിയടിച്ച തന്റെ തന്നെ റെക്കോഡാണ് മന്ദാന തകര്‍ത്തത്. പവര്‍പ്ലേയില്‍ ഇന്ത്യക്കായി ഏറ്റവും കൂടുതല്‍ റണ്‍സടിച്ച റെക്കോഡും മന്ദാന തിരുത്തി എഴുതിയിട്ടുണ്ട്. 50 റണ്‍സ് നേടിയ രോഹിത്തിന്റെ റെക്കോഡാണ് 51 റണ്‍സ് നേടിക്കൊണ്ട് അവര്‍ സ്വന്തമാക്കിയത്.
