” ഗര്‍ഭാവസ്ഥയിലും കുഞ്ഞായിരിക്കുമ്പോഴുമുള്ള സിഗരറ്റിന്റെ പ്രഭാവം ആണ്‍കുഞ്ഞുങ്ങളില്‍ ഭാവിയില്‍ വന്ധ്യതയ്ക്ക് കാരണമാകുമെന്ന് തെളിയിക്കാന്‍ സാധിക്കുന്നത് ആദ്യമായാണ്. ” ഓസ്‌ത്രേലിയയിലെ ന്യൂകാസില്‍ യൂണിവേഴ്‌സിറ്റി പ്രഫസര്‍ ഈലീന്‍ മെക്ലോഗിലിന്‍ പറഞ്ഞു.
എലികളിലാണ് ഇതുമായി ബന്ധപ്പെട്ട പഠനം നടത്തിയത്. മൂക്കിലേക്ക് പുക കടത്തിവിടുന്ന ഒരു മെഷീന്‍ ഗവേഷകര്‍ ഉണ്ടാക്കിയെടുത്തു. ഈ മെഷീന്‍ മൂക്കുകളില്‍ ഘടിപ്പിച്ച് 27 എലികളെ സജ്ജരാക്കി. ദിവസം 24 സിഗരറ്റ് വലിച്ചാലുണ്ടാകുന്നത്ര പുക മൂക്കിലേക്ക് കടത്തിവിട്ടു. മറ്റ് 27 എലികളെ സാധാരണ ശ്വാസം എടുക്കാനും സജ്ജരാക്കി.
ഈ എലികളുടെ വളര്‍ച്ചയുടെ ഓരോ ഘട്ടവും പരിശോധനാ വിധേയമാക്കി.
” പുകവലിക്കുന്ന അമ്മമാരുടെ കുട്ടികളുടെ ബീജത്തിന്റെ എണ്ണം കുറയുന്നുണ്ടെന്നായിരുന്നു ഞങ്ങളുടെ കണ്ടെത്തല്‍. ഇവയിലെ ബീജത്തിന്റെ ചലനവേഗതയും കുറവായിരുന്നു. ഇവയുടെ ആകൃതിയും സാധാരണ ബീജത്തിന്റേതില്‍ നിന്ന് വ്യത്യസ്തമായിരുന്നു. ബീജസങ്കലന സമയത്ത് ഈ ബീജങ്ങള്‍ അണ്ഡവുമായി കൂടിച്ചേരുന്നതില്‍ പരാജയപ്പെടുന്നു. സ്വാഭാവികമായും ഈ എലികള്‍ വളരുമ്പോള്‍ വന്ധ്യതരാവും” മെക്ലോഗിലിന്‍ വ്യക്തമാക്കി.
പഠനം നടന്നത് എലികളിലാണെങ്കിലും മനുഷ്യനിലും സമാനമായ പ്രഭാവമാണ് സിഗരറ്റ് സൃഷ്ടിക്കുന്നതെന്നും ഗവേഷകര്‍ ചൂണ്ടിക്കാട്ടി. ഹ്യൂമണ്‍ റീപ്രൊഡക്ഷന്‍ എന്ന ജേണലിലാണ് ഇതുമായി ബന്ധപ്പെട്ട റിപ്പോര്‍ട്ട് പ്രസിദ്ധീകരിച്ചത്.