സയ്യിദ് മുഷ്താഖ് അലി ട്രോഫിയില്‍ കഴിഞ്ഞ ദിവസം നടന്ന ദല്‍ഹി – മണിപ്പൂര്‍ ഗ്രൂപ്പ് സി മത്സരത്തില്‍ ദല്‍ഹി വിജയിച്ചിരുന്നു. വാംഖഡെ സ്റ്റേഡിയത്തില് നടന്ന മത്സരത്തില്‍ നാല് വിക്കറ്റിന്റെ വിജയമാണ് ദല്‍ഹി നേടിയത്.
സെഞ്ച്വറിയോ അഞ്ച് വിക്കറ്റ് നേട്ടങ്ങളോ പറയത്തക്ക മറ്റ് റെക്കോഡുകളോ ഒന്നും പിറക്കാതിരുന്ന ഈ മത്സരം എന്നാല്‍ ടൂര്‍ണമെന്റിന്റെ ചരിത്രത്തില്‍ സ്ഥാനം പിടിച്ചിരിക്കുകയാണ്.
സയ്യിദ് മുഷ്താഖ് അലി ട്രോഫിയുടെ ചരിത്രത്തില്‍ ആദ്യമായി ഒരു ഇന്നിങ്‌സില്‍ 11 ബൗളര്‍മാര്‍ പന്തെറിഞ്ഞു എന്ന അത്യപൂര്‍വ സംഭവത്താലാണ് ഈ മത്സരം ചരിത്രത്തിന്റെ ഭാഗമായത്. മുഷ്താഖ് അലി ട്രോഫിയുടെ മാത്രമല്ല, ടി-20 ചരിത്രത്തില്‍ തന്നെ ഇത് ആദ്യമാണ്!
1️⃣ of its kind 👌
1 innings 🤝 11 bowlers
Delhi created history by becoming the first team to use 11 bowlers in a match in the Syed Mushtaq Ali Trophy 😮
ദല്‍ഹിക്കായി ദിഗ്വേഷ് രാതീ, ഹര്‍ഷ് ത്യാഗി എന്നിവര്‍ രണ്ട് വിക്കറ്റ് വീതം നേടിയപ്പോള്‍ പ്രിയാന്‍ഷ് ആര്യ, ആയുഷ് സിങ്, ക്യാപ്റ്റന്‍ ആയുഷ് ബദോണി എന്നിവര്‍ ഓരോ വിക്കറ്റ് വീതവും നേടി.
മറുപടി ബാറ്റിങ്ങിനിറങ്ങിയ മുംബൈ യാഷ് ധുള്ളിന്റെ അര്‍ധ സെഞ്ച്വറി കരുത്തില്‍ അനായാസ വിജയം സ്വന്തമാക്കുകയായിരുന്നു. 51 പന്തില്‍ 59 റണ്‍സാണ് ധുള്‍ സ്വന്തമാക്കിയത്.
ഈ വിജയത്തിന് പിന്നാലെ ഗ്രൂപ്പ് സി-യില്‍ ഒന്നാം സ്ഥാനത്ത് തുടരാനും ദല്‍ഹിക്കായി. കളിച്ച നാല് മത്സരത്തില്‍ നാലിലും വിജയിച്ച് 16 പോയിന്റാണ് ദല്‍ഹിക്കുള്ളത്.
ഡിസംബര്‍ ഒന്നിനാണ് ദല്‍ഹിയുടെ അടുത്ത മത്സരം. മഹാരാഷ്ട്ര ക്രിക്കറ്റ് അസോസിയേഷന്‍ സ്റ്റേഡിയത്തില് നടക്കുന്ന മത്സരത്തില്‍ ഹിമാചല്‍ പ്രദേശാണ് എതിരാളികള്‍.
Content Highlight: SMAT: Delhi created history by becoming the first team to use 11 bowlers in a match
