കശ്മീരിലെ മുസ്‌ലീങ്ങളെ ജീവനോടെ തൊലിയുരിക്കണമെന്ന പ്രസംഗം; ബി.ജെ.പി സംസ്ഥാന സെക്രട്ടറിയ്‌ക്കെതിരെ കേസ്
ഡൂള്‍ന്യൂസ് ഡെസ്‌ക്
Tuesday, 2nd November 2021, 3:12 pm
ശ്രീനഗര്‍: കശ്മീരിലെ മുസ്‌ലീങ്ങള്‍ക്കെതിരായ വിദ്വേഷ പ്രസംഗത്തില്‍ ബി.ജെ.പി സംസ്ഥാന സെക്രട്ടറിയ്‌ക്കെതിരെ കേസ്. വിക്രം റണ്‍ദാവക്കെതിരെയാണ് ജമ്മുകശ്മീര്‍ പൊലീസ് എഫ്.ഐ.ആര്‍ രജിസ്റ്റര്‍ ചെയ്തിരിക്കുന്നത്.
ടി-20 ലോകകപ്പില്‍ പാകിസ്ഥാന്‍ വിജയമാഘോഷിച്ചവര്‍ക്കെതിരെയായിരുന്നു വിക്രമിന്റെ പ്രസംഗം.
പാക് വിജയം ആഘോഷിച്ചവരെ ആക്രമിക്കാനും അവരെ ജീവനോടെ തൊലിയുരിക്കാനുമായിരുന്നു ബി.ജെ.പി നേതാവ് ആവശ്യപ്പെട്ടത്.
അഭിഭാഷകനായ മുസാഫിര്‍ അലി ഷായുടെ പരാതിയിലാണ് കേസ് എടുത്തിരിക്കുന്നത്. മതസ്പര്‍ധ സൃഷ്ടിക്കാന്‍ ശ്രമിച്ചതിനും മതവികാരം വ്രണപ്പെടുത്താന്‍ ശ്രമിച്ചതിനുമാണ് കേസ്.
