ആറ് സംവിധായകര്‍, ആറ് സിനിമകള്‍; നിഗൂഢതകളുമായി 'ചെരാതുകള്‍'; ട്രെയ്‌ലര്‍ പുറത്തുവിട്ട് മമ്മൂട്ടിയടക്കമുള്ള താരങ്ങള്‍
എന്റര്‍ടെയിന്‍മെന്റ് ഡെസ്‌ക്
Friday, 11th June 2021, 11:59 pm
കൊച്ചി: ആറ് കഥകള്‍ ചേര്‍ത്ത് ആറ് സംവിധായകര്‍ സംവിധാനം ചെയ്ത ‘ചെരാതുകള്‍’ എന്ന ആന്തോളജി ചിത്രത്തിന്റെ ട്രെയ്‌ലര്‍ പുറത്തുവിട്ടു. മമ്മൂട്ടി, സുരേഷ് ഗോപി, ആസിഫ് അലി തുടങ്ങി നാല്പതോളം പ്രമുഖര്‍ ചേര്‍ന്നാണ് ട്രെയ്‌ലര്‍ റിലീസ് ചെയ്തത്.
ചിത്രം ജൂണ്‍ 17ന് ഒ.ടി.ടി റിലീസായിയെത്തും. മലയാളത്തിലെ പത്ത് ഒ.ടി.ടി പ്ലാറ്റ്‌ഫോമുകള്‍ വഴിയാണ് ചിത്രം റിലീസ് ചെയ്യുന്നത്.
മാമ്പ്ര ഫൗണ്ടേഷന്റെ ബാനറില്‍ ഡോ. മാത്യു മാമ്പ്രയാണ് ചെരാതുകള്‍ നിര്‍മ്മിക്കുന്നത്.ഷാജന്‍ കല്ലായി, ഷാനൂബ് കരുവത്ത്, ഫവാസ് മുഹമ്മദ്, അനു കുരിശിങ്കല്‍, ശ്രീജിത്ത് ചന്ദ്രന്‍, ജയേഷ് മോഹന്‍ എന്നിവരാണ് ചിത്രങ്ങള്‍ സംവിധാനം ചെയ്തിരിക്കുന്നത്.
