ഹിസ്ബുള്ള-അമാല്‍ ഗ്രൂപ്പുകള്‍ നടത്തിയ റാലിയില്‍ വെടിവെപ്പ്; 6 മരണം, നിരവധി പേര്‍ക്ക് പരിക്ക്
ഡൂള്‍ന്യൂസ് ഡെസ്‌ക്
Thursday, 14th October 2021, 6:40 pm
ബെയ്‌റൂട്ട്: ലെബനനിലെ ബെയ്‌റൂട്ട് തുറമുഖത്തില്‍ കഴിഞ്ഞ വര്‍ഷം നടന്ന സ്‌ഫോടനത്തിന്റെ അന്വേഷണം റദ്ദാക്കണമെന്നാവശ്യപ്പെട്ട് തീവ്രവാദ സംഘങ്ങളായ ഹിസ്ബുള്ളയും അമാല്‍ ഗ്രൂപ്പും നടത്തിയ റാലിയില്‍ വെടിവെയ്പ്പ്. വെടിവെപ്പില്‍ ആറ് പേര്‍ മരിക്കുകയും നിരവധി പേര്‍ക്ക് പരിക്കേല്‍ക്കുകയും ചെയ്തു.
ആഭ്യന്തര മന്ത്രിയായ ബസ്സാം മവ്‌ലാവിയാണ് മരണസംഖ്യയെക്കുറിച്ചുള്ള വിവരങ്ങള്‍ പുറത്ത് വിട്ടത്. 30ലധികം പേര്‍ക്കാണ് പരിക്കേറ്റിരിക്കുന്നതെന്ന് ലെബനീസ് റെഡ് ക്രോസ് വ്യക്തമാക്കുന്നു.
എ.എഫ്.പിയാണ് വെടിവെപ്പിനെ കുറിച്ചുള്ള വിവരങ്ങള്‍ പുറത്ത് വിട്ടത്. പലര്‍ക്കും നെറ്റിയിലാണ് വെടിയേറ്റിട്ടുള്ളതെന്ന് ബെയ്‌റൂട്ടിലെ തെക്കന്‍ പ്രവിശ്യയിലെ സഫേല്‍ ആശുപത്രിയിലെ ഡോക്ടര്‍മാര്‍ എ.എഫ്.പിയോട് പറഞ്ഞു.
