സായ് പല്ലവിക്ക് പിന്നാലെ മൃണാള്‍ താക്കൂറിന്റെയും നായകനാവാന്‍ ശിവകാര്‍ത്തികേയന്‍
എന്റര്‍ടെയിന്‍മെന്റ് ഡെസ്‌ക്
Friday, 23rd June 2023, 10:20 pm
എ.ആര്‍. മുരുഗദോസും ശിവകാര്‍ത്തികേയനും ഒന്നിക്കുന്ന ചിത്രം ഉടന്‍ വരുമെന്ന റിപ്പോര്‍ട്ടുകള്‍ അടുത്തിടെ പുറത്ത് വന്നിരുന്നു. അടുത്തിടെ നടന്ന ഓഡിയോ ലോഞ്ചില്‍ ഈ കൂട്ടുകെട്ടിനെ പറ്റിയുള്ള സൂചനകള്‍ ശിവകാര്‍ത്തികേയനും തന്നിരുന്നു.
ചിത്രത്തില്‍ നായികയായി മൃണാള്‍ താക്കൂറായിരിക്കും എത്തുക. കമല്‍ഹാസന്‍ നിര്‍മിക്കുന്ന പേരിടാത്ത ചിത്രത്തിന് ശേഷം എസ്. കെ നായകനാവുന്ന ചിത്രത്തില്‍ പെയറായി മൃണാള്‍ എത്തുമെന്നാണ് തമിഴ് മാധ്യമങ്ങള്‍ റിപ്പോര്‍ട്ട് ചെയ്യുന്നത്.
മാവീരവനാണ് ഉടന്‍ റിലീസിനൊരുങ്ങുന്ന ശിവകാര്‍ത്തികേയന്‍ ചിത്രം. മഡോണ്‍ അശ്വിന്‍ സംവിധാനം ചെയ്യുന്ന മാവീരന്റെ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്. അദിതി ശങ്കറാണ് മാവീരനില്‍ നായികയാവുന്നത്. തമിഴിലും തെലുങ്കിലുമായി ഒരുങ്ങുന്ന ചിത്രം ജൂലൈ 14ന് തിയേറ്ററുകളിലെത്തും.
