കേരളത്തിലും സൂപ്പര്‍ഹിറ്റായി ഡോക്ടര്‍; ശിവകാര്‍ത്തികേയന്റെ ബ്ലോക്ക്ബസ്റ്റര്‍ ചിത്രം 100 കോടി ക്ലബിലേയ്ക്ക്
എന്റര്‍ടെയിന്‍മെന്റ് ഡെസ്‌ക്
Saturday, 30th October 2021, 1:33 pm
ശിവകാര്‍ത്തികേയനെ നായകനാക്കി നെല്‍സണ്‍ ദിലിപ്കുമാര്‍ സംവിധാനം ചെയ്ത ‘ഡോക്ടര്‍’ നൂറ് കോടി ക്ലബിലേയ്ക്ക് കടക്കാനൊരുങ്ങുന്നു. ബോക്‌സ് ഓഫീസില്‍ ഹിറ്റായി മാറിയ ചിത്രം ഇതുവരെ 90 കോടിയുടെ വരുമാനമുണ്ടാക്കിയെന്നാണ് റിപ്പോര്‍ട്ടുകള്‍.
ഇതോടെ ശിവകാര്‍ത്തികേയന്റെ ഇതുവരെയുള്ള സിനിമകളില്‍ ഏറ്റവും വലിയ ഹിറ്റായി മാറുകയാണ് ഡോക്ടര്‍. ഒക്ടോബര്‍ 9ന് തിയേറ്റര്‍ റിലീസ് ചെയ്ത ചിത്രം കേരളത്തില്‍ റിലീസ് ചെയ്തത് ഈ മാസം 27നായിരുന്നു.
കേരളത്തിലും മികച്ച പ്രതികരണമാണ് സിനിമയ്ക്ക് ലഭിച്ചുകൊണ്ടിരിക്കുന്നത്. 90 കോടി നേടിയ ചിത്രം കേരളത്തില്‍ നിന്നുള്ള കളക്ഷനിലൂടെ 10 കോടി ക്ലബിലെത്തുമെന്നാണ് പ്രതീക്ഷിക്കുന്നത്.
