ജനാധിപത്യത്തിന്റെ ജീവരക്തമാണ് അറിവ്, ആശയങ്ങളെ നിരോധിക്കാനാകില്ല, സത്യത്തെ ജയിലിലടക്കാനുമാകില്ല; ചലച്ചിത്ര വിലക്കിനെതിരെ യെച്ചൂരി
ന്യൂദല്‍ഹി: കേരള അന്താരാഷ്ട്ര ഡോക്യുമെന്ററി, ഹ്രസ്വ ചലച്ചിത്ര മേളയില്‍ നിന്നും ചലച്ചിത്രങ്ങളെ വിലക്കിയ കേന്ദ്ര സര്‍ക്കാര്‍ നടപടിക്കെതിരെ സി.പി.ഐ.എം ജനറല്‍ സെക്രട്ടറി സീതാറാം യെച്ചൂരി. ഫിലിം ഫെസ്റ്റിവലില്‍ പ്രദര്‍ശിപ്പിക്കുന്ന ഒരു സിനിമയെ ബി.ജെ.പി സര്‍ക്കാര്‍ എന്തിനാണ് ഭയപ്പെടുന്നതെന്നും ആശയങ്ങളെ ജയിലിലടക്കാന്‍ ആര്‍ക്കും കഴിയില്ലെന്നും യെച്ചൂരി തന്റെ ഫേസ്ബുക്ക് പോസ്റ്റിലൂടെ പറഞ്ഞു.
Also read ‘മോഹന്‍ലാലിന്റെ കോളു വന്നപ്പോള്‍ ജയസൂര്യയും ഭാര്യ സരിതയും ഞെട്ടി; ലാലേട്ടന്‍ ജയസൂര്യയോട് പറഞ്ഞത്
കഴിഞ്ഞ ദിവസമായിരുന്നു പത്താമത് കേരള അന്താരാഷ്ട്ര ഡോക്യുമെന്ററി, ഹ്രസ്വ ചലച്ചിത്ര മേളയില്‍ രോഹിത് വെമുലയെ കുറിച്ച് പി എന് രാമചന്ദ്രന് സംവിധാനം ചെയ്ത “ദി അണ്ബെയ്റബിള് ബീയിങ് ഓഫ് ലൈറ്റ്നസ്, ജെ.എന്.യുവിലെ വിദ്യാര്ത്ഥി പ്രക്ഷോഭവുമായി ബന്ധപ്പെട്ട് കാത്തു ലൂക്കോസ് സംവിധാനം ചെയ്ത “മാര്ച്ച്-മാര്ച്ച്-മാര്ച്ച്”, കാശ്മീര് വിഷയങ്ങളെ കുറിച്ച് എന് സി ഫാസില്, ഷോണ് സെബാസ്റ്റ്യന് എന്നിവര് സംവിധാനം ചെയ്ത “ഇന് ദി ഷെയ്ഡ് ഓഫ് ഫാളന് ചിനാര്” എന്നിവ പ്രദര്ശിപ്പിക്കുന്നതിന് കേന്ദ്ര വാര്ത്താ വിതരണ മന്ത്രാലയം പ്രദര്‍ശനാനുമതി നിഷേധിച്ചത്.
ചിത്രങ്ങളുടെ പ്രദര്‍ശനം വിലക്കിയ സര്‍ക്കാര്‍ നടപടിക്കെതിരെ രൂക്ഷ വിമര്‍ശനമാണ് ഉയര്‍ന്നു വരുന്നത്. ഫിലിം ഫെസ്റ്റിവലില്‍ പ്രദര്‍ശിപ്പിക്കുന്ന ഒരു സിനിമയെ എന്തിനാണ് ബി.ജെ.പി ഗവണ്മെന്റ് ഭയപ്പെടുന്നതെന്ന് ചോദിച്ച യെച്ചൂരി ജനാധിപത്യത്തിന്റെ ജീവരക്തമാണ് അറിവ് എന്നും പറഞ്ഞു.
“ജനാധിപത്യത്തിന്റെ ജീവരക്തമാണ് അറിവ്. ആശയങ്ങളെ നിരോധിക്കാനാകില്ല. സത്യത്തെ ജയിലിലടക്കാനുമാകില്ല.” യെച്ചൂരി പറഞ്ഞു. കേന്ദ്രസര്‍ക്കാരിനെ പ്രതിക്കൂട്ടില്‍ നിര്‍ത്തിയ സംഭവങ്ങളെ ആസ്പദമാക്കി നിര്‍മ്മിച്ച ചിത്രങ്ങള്‍ക്ക് പ്രദര്‍ശനാനുമതി നിഷേധിച്ചതിനെതിരെ വ്യാപക പ്രതിഷേധമാണ് ഉയര്‍ന്നു വരുന്നത്.
Dont miss ‘അധികാരം ഒരു വേദി നിഷേധിക്കുമ്പോള്‍ അവ പതിനായിരം മൊബൈല്‍ ഫോണുകളില്‍ ഡൗണ്‍ലോഡ് ചെയ്യപ്പെടുകയാണ്’ ഡോക്യുമെന്ററികള്‍ക്കെതിരായ കേന്ദ്ര നിലപാടിനെതിരെ സോഷ്യല്‍മീഡിയകളില്‍ പ്രതിഷേധം
വിഷയത്തില് പ്രതികരിച്ച സാംസ്കാരിക വകുപ്പ് മന്ത്രി എ.കെ ബാലന് ഡോക്യുമെന്ററി വിലക്ക് അംഗീകരിക്കാനാകില്ലെന്ന് വ്യക്തമാക്കിയിരുന്നു. സമകാലിക വിഷയങ്ങള് പറഞ്ഞാല് അത് ദേശ വിരുദ്ധമാകില്ലെന്നും സാംസ്കാരിക ഫാസിസത്തിന് മുന്നില് കേരളം മുട്ടുമടക്കില്ലെന്നും മന്ത്രി പറഞ്ഞിരുന്നു.
