ന്യൂദല്‍ഹി: മദ്യനയ അഴിമതി ആരോപണ കേസില്‍ അറസ്റ്റ് ചെയ്തതിന് പിന്നാലെ ആം ആദ്മി നേതാവ് മനീഷ് സിസോദിയയുടെ ട്വിറ്റര്‍ അക്കൗണ്ട് ബ്ലോക്ക് ചെയ്യണമെന്ന ആവശ്യവുമായി ബി.ജെ.പി.
കഴിഞ്ഞ ദിവസം സിസോദിയയുടെ ട്വിറ്റര്‍ അക്കൗണ്ടില്‍ നിന്ന് ഒരു മെസേജ് വന്നിരുന്നു.
‘രാജ്യത്ത് വിദ്യാലയങ്ങള്‍ തുറക്കുമ്പോള്‍ ജയിലുകള്‍ അടച്ചിടുമെന്ന് ഞാന്‍ കേട്ടിട്ടുണ്ട്. എന്നാല്‍ ഇവിടെ വിദ്യാലയങ്ങള്‍ തുറന്നവരെ ജയിലില്‍ അടച്ചിടുകയാണ്’ എന്നായിരുന്നു ട്വീറ്റ്.
आज तक सुना था कि देश में स्कूल खुलते हैं तो जेल बंद होते है; लेकिन अब इन लोगो ने तो देश में स्कूल खोलने वालों को ही जेल में बंद करना शुरू कर दिया।#ManishSisodia
— Manish Sisodia (@msisodia) March 8, 2023
ഉടനെ ഡല്‍ഹി ബി.ജെ.പി നേതാവ് തജീന്ദര്‍ പാല്‍ സിങ് ബഗ്ഗ വിമര്‍ശനവുമായി വരികയായിരുന്നു.
‘ഈ അക്കൗണ്ട് ഉപയോഗിക്കുന്ന ആള്‍ ഇപ്പോള്‍ ജയിലിലാണ്. അക്കൗണ്ട് ഉപയോഗിക്കുന്നത് മറ്റാരോ ആണ്. അതുകൊണ്ട് ഈ അക്കൗണ്ട് ബ്ലോക്ക് ചെയ്യണം’, എന്ന് ഇലോണ്‍ മസ്‌കിനെ മെന്‍ഷന്‍ ചെയ്ത് കൊണ്ട് അദ്ദേഹം ട്വീറ്റ് ചെയ്തു.
