ജിയോ ബേബി സംവിധാനം ചെയ്യുന്ന കാതലിന്റെ സെറ്റില്‍ വെച്ച് തന്റെ മകള്‍ മമ്മൂട്ടിക്കൊപ്പം സമയം ചിലവിടുന്ന വീഡിയോ പങ്കുവെച്ച് സിന്‍സി അനില്‍. മമ്മൂട്ടി ആരാണെന്ന് അറിയുമ്പോള്‍ തന്റെ മകള്‍ അഭിമാനത്തോടെ ഈ വീഡിയോ കാണും എന്ന് കുറിച്ചുകൊണ്ടാണ് വീഡിയോ പങ്കുവെച്ചത്. വീഡിയോ പകര്‍ത്തുമ്പോള്‍ തനിക്കും മകളുടെ പ്രായത്തിലേക്ക് മടങ്ങി പോകാന്‍ കഴിഞ്ഞിരുന്നുവെങ്കില്‍ എന്ന് താന്‍ ആഗ്രഹിച്ചു പോയെന്നും സിന്‍സി ഫേസ്ബുക്കില്‍ കുറിച്ചു.
”ഇന്നെന്റെ മകള്‍ക്ക് അറിയില്ല… അവള്‍ ചേര്‍ന്ന് നില്‍ക്കുന്നതും ഓടി ചെന്ന് ചെവിയില്‍ സ്വകാര്യം പറയുന്നതും അവളെ തലോടുന്നതും ചിരിപ്പിക്കുന്നതും ആയ ആ വ്യക്തിത്വം ആരാണെന്നും എന്താണെന്നും? നാളെ അവളിത് അഭിമാനത്തോടെ കാണും. ജീവിതയാത്രയില്‍ ഒരു നിധി പോലെ സൂക്ഷിക്കും?
ഈ വീഡിയോ പകര്‍ത്തുമ്പോള്‍ എനിക്ക് അവളുടെ പ്രായത്തിലേക്ക് ഒന്ന് മടങ്ങി പോകനായിരുന്നുവെങ്കിലെന്നു ആത്മാര്‍ഥമായി ആഗ്രഹിച്ചു പോയി,”സിന്‍സി അനില്‍ കുറിച്ചു.
മമ്മൂട്ടിയും ജ്യോതികയും ഒന്നിച്ച് അഭിനയിക്കുന്ന കാതലിന്റെ സെറ്റില്‍ അമ്മയോടൊപ്പം എത്തിയതാണ് ഇവ മറിയം. ബാഗും ചുമലില്‍ ഇട്ട് മ്മൂട്ടിയുടെ കൈയ്യില്‍ പിടിച്ചും കളിച്ചും സംസാരിക്കുകയാണ് ഇവ. ഇവക്കും മകനും മമ്മൂട്ടി മിഠായി കൊടുക്കുന്നതും വീഡിയോയില്‍ കാണാന്‍ കഴിയും. കാതലിന്റെ ലൊക്കേഷനില്‍ നിന്നുമെടുത്ത ഈ വീഡിയോയാണ് സിന്‍സി അനില്‍ ഫേസ് ബുക്കില്‍ പങ്കുവെച്ചത്.
