യു.എസില്‍ വാഹനാപകടം: മലയാളി ഗായകന്‍ അന്തരിച്ചു
ഡൂള്‍ന്യൂസ് ഡെസ്‌ക്
Friday, 26th March 2021, 10:45 am
ഷിക്കോഗോ: പ്രശസ്ത മലയാളി യുവ ഗായകന്‍ ജയരാജ് നാരായണന്‍ യു.എസില്‍ അന്തരിച്ചു. വാഹനാപകടത്തില്‍ ഗുരുതര പരിക്കേറ്റതിനെ തുടര്‍ന്നാണ് അന്തരിച്ചത്. ഷിക്കോഗയില്‍ വെച്ചാണ് അപകടമുണ്ടായത്.
കര്‍ണാടക സംഗീതരംഗത്താണ് ജയരാജ് നാരായണന്‍ ശ്രദ്ധേയനായത്. ചെറുപ്പം മുതല്‍ സംഗീതം അഭ്യസിച്ച ജയനാരായണന്‍ 14 വര്‍ഷത്തോളം നീണ്ട പഠനത്തിന് ശേഷമാണ് ഗാനാലാപനരംഗത്തേക്ക് കടന്നുവന്നത്.
എരൂര്‍ ജയാലയത്തില്‍ പരേതനായ നങ്ങ്യാരത്ത് മഠത്തില്‍ നാരായണന്‍ കുട്ടിയുടെയും ശാന്തകുമാരിയുടെയും മകനാണ് ജയരാജ് നാരായണന്‍. ഭാര്യ മായ, മക്കള്‍ മേഘ്‌ന, ഗൗരി.
