ഗായകന്‍ ഇടവ ബഷീര്‍ അന്തരിച്ചു; അന്ത്യം ഗാനമേളയില്‍ പാട്ടുപാടുന്നതിനിടെ കുഴഞ്ഞുവീണ്
ഡൂള്‍ന്യൂസ് ഡെസ്‌ക്
Saturday, 28th May 2022, 11:01 pm
ആലപ്പുഴ: ഗായകന്‍ ഇടവ ബഷീര്‍(78) അന്തരിച്ചു. ആലപ്പുഴ ബ്ലൂഡയമണ്ട്‌സ് ഓര്‍ക്കസ്ട്രയുടെ സുവര്‍ണ ജൂബിലി ആഘോഷവേദിയില്‍ പാടുന്നതിനിടെ കുഴഞ്ഞുവീണതിന് പിന്നാലെ മരണം സംഭവിക്കുക്കയായിരുന്നു. ഗാനമേളകളെ ജനകീയമാക്കുന്നതില്‍ ശ്രദ്ധേയ പങ്കുവഹിച്ച ഗായകനാണ് ഇടവ ബഷീര്‍.
പാട്ട് പാടുന്നതിനിടെ നെഞ്ചുവേദന അനുഭവപ്പെട്ട് കുഴഞ്ഞുവീണ ബഷീറിനെ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. പാതിരപ്പള്ളിയിലെ വേദിയില്‍നിന്ന് സമീപത്തെ സ്വകാര്യ ആശുപത്രിയിലേക്ക് ബഷീറിനെ എത്തിച്ചെങ്കിലും അല്‍പസമയത്തിനു ശേഷം മരണം സംഭവിക്കുകയായിരുന്നു.
