സിനിമയുടെ ആ പരസ്യം കണ്ട് 'ഫാസിസ്റ്റ് ശക്തികളെ തിരികെ കൊണ്ടുവരികയാണെന്ന്' ഒരു പത്രം എഴുതി; അനുഭവം പറഞ്ഞ് സിദ്ദിഖ്
എന്റര്‍ടെയിന്‍മെന്റ് ഡെസ്‌ക്
Monday, 1st February 2021, 3:14 pm
തന്റെ സിനിമാ അനുഭവങ്ങളെക്കുറിച്ച് തുറന്നുപറയുകയാണ് പ്രശസ്തനായ സംവിധായകന്‍ സിദ്ദിഖ്. മമ്മൂട്ടി നായകനായി അഭിനയിച്ച ഹിറ്റ്‌ലര്‍ എന്ന സിനിമയുടെ വിശേഷങ്ങളാണ് വനിതയ്ക്ക് നല്‍കിയ അഭിമുഖത്തില്‍ സിദ്ദിഖ് ഓര്‍ത്തെടുക്കുന്നത്.
തന്റെ സുഹൃത്തിന്റെ കണിശക്കാരനായ അച്ഛനെ എല്ലാവരും ഹിറ്റ്‌ലര്‍ എന്നാണ് വിളിച്ചിരുന്നതെന്നും അദ്ദേഹത്തിനെ ഓര്‍ത്തുകൊണ്ടാണ് മമ്മൂട്ടിയുടെ കഥാപാത്രത്തിന് ആ പേര് നല്‍കിയതെന്നും സിദ്ദിഖ് പറയുന്നു.
യഥാര്‍ത്ഥ അഡോള്‍ഫ് ഹിറ്റ്‌ലര്‍ ഹിറ്റ്‌ലര്‍ മാധവന്‍കുട്ടിയ്ക്ക് കൈ കൊടുത്ത് എന്റെ പേരുദോഷം നിങ്ങള്‍ മാറ്റി എന്നു പറഞ്ഞുകൊണ്ട് സിനിമക്ക് വേണ്ടി ഒരു പരസ്യം ചെയ്തപ്പോള്‍ ‘ഫാസിസ്റ്റ് ശക്തിയെ തിരിച്ചു കൊണ്ടുവരുന്നതിനായുള്ള ശ്രമത്തിന്റെ ഭാഗമാണിത്’ എന്ന് ഒരു പത്രം എഴുതിയെന്നും സിദ്ദിഖ് പറയുന്നു.
