മലയാളത്തിലെ മികച്ച സംവിധായകരിൽ ഒരാളാണ് സിബി മലയിൽ. മമ്മൂട്ടി, മോഹൻലാൽ തുടങ്ങിയ നടന്മാരുടെ മികച്ച കഥാപാത്രങ്ങൾ മലയാളത്തിന് സമ്മാനിക്കാൻ അദ്ദേഹത്തിന് കഴിഞ്ഞിട്ടുണ്ട്. എം.ടിയുടെ തിരക്കഥയിൽ സിബി മലയിൽ സംവിധാനം ചെയ്ത മികച്ച ചിത്രമാണ് സദയം. മോഹൻലാലിന്റെ കരിയറിലെ മികച്ച പ്രകടനങ്ങളിൽ ഒന്നായിട്ടാണ് സദയത്തിലെ സത്യനാഥനെ കണക്കാക്കുന്നത്.

മോഹൻലാലും താനും ഒന്നിച്ച സദയത്തെ കുറിച്ച് നടൻ ഫഹദ് ഫാസിൽ പറയുന്നത് കേട്ടിട്ടുണ്ടെന്നും ആ കഥാപാത്രം ചെയ്യാനുള്ള കോൺഫിഡൻസ് ഫഹദിനുണ്ടെന്നും സിബി പറയുന്നു.

ഇന്നത്തെ നടന്മാരിൽ തനിക്ക് ഫഹദിനൊപ്പം സിനിമ ചെയ്യാൻ വലിയ ആഗ്രഹമുണ്ടെന്നും ഇന്റൻസ് ആയിട്ടുള്ള സിനിമകൾ ചെയ്യാൻ പ്രാപ്തനായ നടനാണ് ഫഹദെന്നും സിബി മലയിൽ പറഞ്ഞു. ദേശീയ തലത്തിൽ ഒരിടത്തും അംഗീകരിക്കപ്പെട്ടില്ലെങ്കിലും മോഹൻലാലിന്റെ ഏറ്റവും മികച്ച സിനിമകളിൽ ഒന്നാണ് സദയമെന്നും അദ്ദേഹം കൂട്ടിച്ചേർത്തു.

‘എന്റെ കൂടെ സിനിമ ചെയ്യണമെന്ന് ആഗ്രഹമുള്ള ഒരാളാണ് ഫഹദ് . ഞാൻ ആഗ്രഹിക്കുന്ന ടൈപ്പിലുള്ള സിനിമകളിൽ അഭിനയിക്കുന്ന ആളാണ് ഫഹദ് ഫാസിൽ. അങ്ങനെ ഇന്റൻസ് ആയിട്ടുള്ള സിനിമകൾ ചെയ്യാൻ പ്രാപ്തനായ നടനാണ് ഫഹദ് ഫാസിൽ. ബാക്കി എല്ലാവരും അങ്ങനെ തന്നെയാണ്. ഓരോരുത്തർക്കും ഓരോ റേഞ്ച് ആണ്. പക്ഷെ ഫഹദാണ് അതിനകത്ത് കുറച്ച് മുന്നിട്ട് നിൽക്കുന്നത്.

ഫഹദ് തന്നെ പല സ്ഥലത്തും പറയുന്നത് ഞാൻ കേട്ടു, സദയം പോലൊരു കഥാപാത്രം എനിക്ക് ചെയ്യാൻ ആഗ്രഹമുണ്ടെന്ന്. അയാൾക്ക് അതിനുള്ള കോൺഫിഡൻസുണ്ട്. മോഹൻലാലിന്റെയും എന്റെയും ഏറ്റവും നല്ല സിനിമകളിൽ ഒന്നാണ് സദയം.

ഞാൻ എന്റെ സിനിമകളിൽ ഏറ്റവും മികച്ച സിനിമയായി കാണുന്നത് സദയത്തെയാണ്. ദേശീയ തലത്തിൽ ഒരിടത്തും അംഗീകരിക്കപ്പെട്ടില്ലെങ്കിലും മോഹൻലാലിന്റെ ഏറ്റവും മികച്ച സിനിമകളിൽ ഒന്നാണ് സദയം. മോഹൻലാലിന്റെ ഏറ്റവും മികച്ച, വേറിട്ട ഒരു പ്രകടനം കണ്ട സിനിമയാണ് സദയം,’സിബി മലയിൽ പറയുന്നു.

Content Highlight: Sibi Malayil About Fahad Fazil And Sadhayam Movie