വെള്ളിയാഴ്ച ഐ.പി.എല്ലില്‍ ഗുജറാത്ത് ടൈറ്റന്‍സ് ഓപ്പണര്‍ ശുഭ്മാന്‍ ഗില്ലിന്റെ ദിവസമായിരുന്നു. 60 പന്തില്‍ 129 റണ്‍സാണ് താരത്തിന്റെ ബാറ്റില്‍ നിന്ന് കഴിഞ്ഞ ദിവസം പിറന്നത്. അഹമ്മദാബാദില്‍ നടന്ന മത്സരത്തില്‍ 10 സിക്സറുകളും ഏഴ് ബൗണ്ടറികളും ഗില്‍ അടിച്ചുകൂട്ടി. ഐ.പി.എല്ലില്‍ ഗില്ലിന്റെ കരിയറിലെ തന്നെ ഏറ്റവും മികച്ച ടോട്ടലാണ് 129.
എന്നാലിപ്പോള്‍ 17ാം ഓവറില്‍ കാമറൂണ്‍ ഗ്രീനിയെറിഞ്ഞ ഒരു പന്തില്‍ മുംബൈ നായകന്‍ രോഹിതിനെ പോലും അമ്പരിപ്പിച്ച ഗില്ലിന്റെ ഒരു ഷോട്ടാണിപ്പോള്‍ ട്വിറ്റര്‍ അടക്കമുള്ള സമൂഹ മാധ്യമങ്ങളില്‍ ചര്‍ച്ചയാകുന്നത്.
ഗ്രീന്‍ അതിവേഗത്തിലെറിഞ്ഞ പന്ത് അധികം ഉയര്‍ത്താതെ ബാറ്റ് വീശിയടിച്ചാണ് ഗില്‍ സിക്‌സ് നേടിയത്. വെറും 83 മീറ്റര്‍ മാത്രമുള്ള ഈ സിക്‌സ് ഗ്രീന്‍ എറിഞ്ഞ പന്തിനേക്കാള്‍ അതിവേഗത്തില്‍ ബൗണ്ടറി ലൈന്‍ കടന്നു എന്നതായിരുന്നു ഈ ഷോട്ടിന്റെ പ്രത്യേകത.
ICYMI!
A SIX that left everyone in 🤯🤯
How would you describe that shot from Shubman Gill?#TATAIPL | #Qualifier2 | #GTvMI | @ShubmanGill pic.twitter.com/BAd8NDVB0e
— IndianPremierLeague (@IPL) May 26, 2023
