ഏകദിനത്തിലെ ഏറ്റവും സ്ഥിരതയാര്‍ന്ന ബാറ്ററായി ഇന്ത്യയുടെ യുവതാരം ശുഭ്മന്‍ ഗില്‍ ഇതിനോടകം തന്നെ ഉയര്‍ന്നുവന്നിരിക്കുകയാണ്. കരിയറിലെ നാലാം സെഞ്ച്വറിയടിച്ച ഗില്‍ ന്യൂസിലാന്‍ഡിനെതിരായ പരമ്പരയില്‍ ഇരട്ട സെഞ്ച്വറിയും സ്വന്തമാക്കിയിരുന്നു.
ന്യൂസിലാന്‍ഡിന്റെ ഇന്ത്യന്‍ പര്യടനത്തിലെ അവസാന മത്സരത്തിലാണ് ഗില്‍ വീണ്ടും സെഞ്ച്വറി പൂര്‍ത്തിയാക്കിയത്. 78 പന്തില്‍ നിന്നും 13 ബൗണ്ടറിയും അഞ്ച് സിക്‌സറുമായി 112 റണ്‍സാണ് ഗില്‍ സ്വന്തമാക്കിയത്.
ഈ സെഞ്ച്വറി നേട്ടത്തിന് പിന്നാലെ ഒരു തകര്‍പ്പന്‍ റെക്കോഡും ഗില്‍ സ്വന്തമാക്കിയിരുന്നു. മൂന്ന് മത്സരങ്ങളടങ്ങിയ ഒരു ബൈലാറ്ററല്‍ സീരീസില്‍ ഏറ്റവുമധികം റണ്‍സ് നേടുന്ന താരം എന്ന റെക്കോഡാണ് ഗില്‍ കൈപ്പിടിയലൊതുക്കിയത്. പാക് നായകന്‍ ബാബര്‍ അസമിനൊപ്പമാണ് ഗില്‍ ഈ നേട്ടം സ്വന്തമാക്കിയത്.
CENTURY number 4️⃣ in ODI cricket for @ShubmanGill!
The #TeamIndia opener is in supreme form with the bat 👌👌
Follow the match ▶️ https://t.co/ojTz5RqWZf…#INDvNZ | @mastercardindia pic.twitter.com/OhUp42xhIH
— BCCI (@BCCI) January 24, 2023
Glorious Gill dazzles with a gorgeous HUNDRED ☺️
Relive @ShubmanGill‘s superb 1⃣1⃣2⃣ 🎥 🔽 #TeamIndia | #INDvNZ | @mastercardindia https://t.co/aunXG7esQc
— BCCI (@BCCI) January 24, 2023
360 റണ്‍സാണ് ന്യൂസിലാന്‍ഡിനെതിരായ പരമ്പരയില്‍ ഗില്‍ സ്വന്തമാക്കിയത്. ആദ്യ മത്സരത്തില്‍ 208 റണ്ണടിച്ച ഗില്‍ രണ്ടാം മത്സരത്തില്‍ പുറത്താവാതെ 40 റണ്‍സ് നേടിയിരുന്നു.
