ബിഗ് സ്‌ക്രീനില്‍ ശ്രീദേവി തിളങ്ങി, മിനിസ്‌ക്രീനില്‍ മൗനി റോയിയും, അടുത്തതായി നാഗകന്യകയാവാന്‍ ശ്രദ്ധ കപൂര്‍
ഡൂള്‍ന്യൂസ് ഡെസ്‌ക്
Wednesday, 28th October 2020, 1:19 pm
മുംബൈ: അപസര്‍പ്പക കഥകളിലെ കഥാപാത്രത്തെ അവതരിപ്പിക്കാനൊരുങ്ങി ബോളിവുഡ് നടി ശ്രദ്ധ കപൂര്‍. ഒരു നാഗകന്യകയുടെ വേഷത്തിലാണ് നടി അടുത്തതായി അഭിനയിക്കുന്നത്. നിഖില്‍ ദിവേദി ഒരുക്കുന്ന ട്രയോളജിയാണ് ചിത്രം.
ബോളിവുഡില്‍ നടി ശ്രീദേവിയുള്‍പ്പെടെ നാഗകന്യകയായി ബിഗ്‌സ്‌ക്രീനിലെത്തി വിസ്മയിപ്പിച്ചിട്ടുണ്ട്.
‘ ഒരു നാഗകന്യകയായി സ്‌ക്രീനില്‍ എത്തുന്നത് തികച്ചും സന്തോഷകരമാണ്. ശ്രീദേവി മാമിന്റെ നാഗിന്‍ കണ്ട് ആരാധിച്ചാണ് ഞാന്‍ വളര്‍ന്നത്. ഇന്ത്യന്‍ നാടോടിക്കഥകളിലെ കഥാപാത്രത്തെ അവതരിപ്പിക്കാന്‍ ഞാന്‍ എപ്പോഴും ആഗ്രഹിച്ചിരുന്നു. പ്രേക്ഷകരെ അമ്പരിപ്പിക്കുന്ന ഒരു ഐക്കണിക് കഥാപാത്രത്തെ അവതരിപ്പിക്കുന്നത് പോലെയാണിത്,’ ശ്രദ്ധ കപൂര്‍ പറഞ്ഞു.
