'നിങ്ങളുടെ രേഖകള്‍ ആവശ്യപ്പെടുന്നവര്‍ക്ക് ഇന്ത്യന്‍ ഭരണഘടനയുടെ പകര്‍പ്പ് കൈമാറുക'; കേന്ദ്രസര്‍ക്കാരിനെ വെല്ലുവിളിച്ച് ജിതേന്ദ്ര ആവാദ്
ഡൂള്‍ന്യൂസ് ഡെസ്‌ക്
Sunday, 2nd February 2020, 12:05 pm
മുംബൈ: മത വിഭാഗങ്ങള്‍ക്കുള്ളില്‍ ഭിന്നിപ്പുണ്ടാക്കാനുള്ള ബി.ജെ.പിയുടെ നീക്കത്തെ വെല്ലുവിളിച്ച് എന്‍.സി.പി നേതാവും മഹാരാഷ്ട്ര മന്ത്രിയുമായ ജിതേന്ദ്ര ആവാദ്. പൗരത്വ നിയമ ഭേദഗതിക്കെതിയായിട്ടായിരുന്നു അദ്ദേഹത്തിന്റെ പ്രതികരണം.
രണ്ടായിരത്തോളം വരുന്ന പ്രതിഷേധക്കാരോട് കല്യാണിലെ കെ.ഡി.എം.സി ഗ്രൗണ്ടില്‍ ഒരുമിച്ച് ചേരണമെന്നും ഭരണഘടനയുടെ പകര്‍പ്പ് എല്ലാവരും കൈവശം വെക്കണമെന്നും അദ്ദേഹം ആവശ്യപ്പെടുന്നു. ആരെങ്കിലും നിങ്ങളുടെ അടുത്ത് വന്ന് രേഖകള്‍ ആവശ്യപ്പെട്ടാല്‍ അവര്‍ക്ക് രാജ്യത്തിന്റെ ഭരണഘടന കാണിച്ചുകൊടുക്കണമെന്നും അദ്ദേഹം പറഞ്ഞു.
