ഏതന്‍സ്: ഗ്രീസിലെ പ്രധാനപ്പെട്ട പുരാവസ്തു-പൈതൃക കേന്ദ്രങ്ങളിലൊന്നായ ഏതന്‍സിലെ അക്രൊപൊലിസില്‍ സ്വവര്‍ഗാനുരാഗികളുടെ ലൈംഗിക ബന്ധം ഷൂട്ട് ചെയ്തതില്‍ നടപടിയുമായി അധികൃതര്‍.
ഷോര്‍ട്ട് ഫിലിം ചിത്രീകരണത്തിന്റെ ഭാഗമായി നടന്ന ഷൂട്ടിങ്ങിനെതിരെയാണ് ഇപ്പോള്‍ ഗ്രീസിന്റെ സാംസ്‌കാരിക മന്ത്രാലയം അന്വേഷണത്തിന് ഉത്തരവിട്ടിരിക്കുന്നത്.
ചിത്രീകരണത്തിന് പിന്നില്‍ പ്രവര്‍ത്തിച്ചവരെ തേടി കണ്ടുപിടിക്കും എന്നാണ് എ.എഫ്.പിയോട് ചൊവ്വാഴ്ച അധികൃതര്‍ പ്രതികരിച്ചത്.
മാസ്‌ക് ധരിച്ച രണ്ട് യുവാക്കള്‍ ലൈംഗിക ബന്ധത്തിലേര്‍പ്പെടുന്നതിന്റെ ദൃശ്യമായിരുന്നു ഷോര്‍ട്ട് ഫിലിമിന്റെ ഭാഗമായി ചിത്രീകരിച്ചത്. എന്നാല്‍ ചിത്രീകരണം നിയമവിരുദ്ധമാണെന്നും ഇവര്‍ കുറ്റക്കാരാണെന്നും കര്‍ശന നടപടിയെടുക്കുമെന്നുമാണ് ഗ്രീസ് സാംസ്‌കാരിക മന്ത്രാലയം വക്താവ് പ്രതികരിച്ചത്.
യുനെസ്‌കോയുടെ പൈതൃകപ്പട്ടികയിലുള്ള കേന്ദ്രമാണ് അക്രൊപൊലീസ്.
ഡെപാതെഹ്‌നന്‍ (Departhenon) എന്നാണ് ഷോര്‍ട്ട് ഫിലിമിന്റെ പേര്. പാതെഹ്‌നന്‍ എന്ന ഗ്രീസിലെ ഒരു പുരാതന ക്ഷേത്രത്തില്‍ നിന്നാണ് ഈ പേര് സ്വീകരിച്ചിരിക്കുന്നത്.
