ഏറ്റവും മികച്ച ആലിംഗനങ്ങളിലൊന്നെന്ന് ശോഭന, വിലമതിക്കാനാവാത്തതെന്ന് മഞ്ജു; മലയാളത്തിന്റെ സൂപ്പര്‍ സ്റ്റാറുകള്‍ കണ്ടുമുട്ടിയപ്പോള്‍
എന്റര്‍ടെയിന്‍മെന്റ് ഡെസ്‌ക്
Sunday, 30th January 2022, 9:34 pm
മലയാളികളുടെ പ്രിയ നായികയാണ് ശോഭന. മണിച്ചിത്രത്താഴിലെ ഗംഗയും തേന്മാവിന്‍ കൊമ്പത്തെ കാര്‍ത്തുമ്പിയും എക്കാലവും മലയാളികളുടെ മനസില്‍ തങ്ങിനില്‍ക്കുന്ന കഥാപാത്രങ്ങളാണ്.
ഏറെക്കാലത്തെ ഇടവേളയ്ക്ക് ശേഷമാണ് താരം ‘വരനെ ആവശ്യമുണ്ട്’ എന്ന ചിത്രത്തിലൂടെ സിനിമയിലേക്കുള്ള തിരിച്ചുവരവ് നടത്തിയത്. ചിത്രത്തിലെ അഭിനയത്തിന് താരം സൈമ അവാര്‍ഡ് കരസ്ഥമാക്കുകയും ചെയ്തിരുന്നു.
അഭിനയത്തില്‍ അത്ര സജീവമല്ലെങ്കിലും സോഷ്യല്‍ മീഡിയ വഴി നൃത്തത്തിന്റെ വീഡിയോകളും തന്റെ
വിശേഷങ്ങളും ശോഭന പങ്കുവെയ്ക്കാറുണ്ട്.
ഇപ്പോഴിതാ നടി മഞ്ജു വാര്യരെ കണ്ടുമുട്ടിയപ്പോള്‍ ശോഭന പങ്കുവെച്ച ചിത്രമാണ് സമൂഹ മാധ്യമങ്ങളില്‍ ചര്‍ച്ചയാകുന്നത്.
തനിക്ക് ഇതുവരെ ലഭിച്ച ഏറ്റവും മികച്ച ആലിംഗനങ്ങളിലൊന്നാണെന്ന ക്യാപ്ഷനോടെയാണ് മഞ്ജുവിനെ ചേര്‍ത്തുപിടിക്കുന്ന ഒരു ചിത്രം ശോഭന പങ്കുവെച്ചിരിക്കുന്നത്.
