വാഗാ അതിര്‍ത്തിയില്‍ കാണിച്ച ആവേശം ഗ്രൗണ്ടിലും കാണിക്കണമായിരുന്നു; ഹസന്‍ അലിയ്ക്കും അക്തറിന്റെ വിമര്‍ശനം
സ്പോര്‍ട്സ് ഡെസ്‌ക്
Monday, 17th June 2019, 11:24 am
മാഞ്ചസ്റ്റര്‍: ഇന്ത്യയ്‌ക്കെതിരായ തോല്‍വിയില്‍ പാകിസ്താന്‍ ടീമംഗങ്ങളെ നിര്‍ത്തിപ്പൊരിച്ച് ഷോയ്ബ് അക്തര്‍. ഹസന്‍ അലി വാഗാ അതിര്‍ത്തിയില്‍ മാത്രം ഒച്ചവെച്ചത് കൊണ്ട് കാര്യമായില്ലെന്ന് അക്തര്‍ പറഞ്ഞു. ഗ്രൗണ്ടിലും ഹസന്‍ അലി ഈ പ്രകടനം കാഴ്ച വെക്കണമായിരുന്നുവെന്ന് അക്തര്‍ പറഞ്ഞു.
2018ലാണ് ഹസന്‍ അലി വാഗാ അതിര്‍ത്തിയില്‍ ഇന്ത്യന്‍ സൈന്യത്തെ നോക്കി നൃത്തം ചെയ്തിരുന്നത്. ചടങ്ങ് വീക്ഷിക്കുകയായിരുന്ന ഹസന്‍ എഴുന്നേറ്റ് വന്ന് പാക് സൈനികനെ അനുകരിക്കുകയായിരുന്നു.
