ഡോളര്‍കടത്ത് കേസില്‍ ജാമ്യം കിട്ടിയാല്‍ ശിവശങ്കറിന് പുറത്തിറങ്ങാം; സ്വര്‍ണക്കടത്തിലും കള്ളപ്പണക്കേസിലും ജാമ്യം
ഡൂള്‍ന്യൂസ് ഡെസ്‌ക്
Monday, 25th January 2021, 2:15 pm
കൊച്ചി: നയതന്ത്ര സ്വര്‍ണ്ണക്കടത്തുമായി ബന്ധപ്പെട്ട് കസ്റ്റംസ് രജിസ്റ്റര്‍ ചെയ്ത കേസില്‍ മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം.ശിവശങ്കറിന് ജാമ്യം.
കേസില്‍ കുറ്റപത്രം സമര്‍പ്പിക്കാത്ത സാഹചര്യത്തിലാണ് എറണാകുളം സാമ്പത്തിക കുറ്റാന്വേഷണ കോടതി സ്വാഭാവിക ജാമ്യം അനുവദിച്ചത്. കള്ളപ്പണക്കേസിലും ജയശങ്കറിന് ഇന്ന് ജാമ്യം ലഭിച്ചിട്ടുണ്ട്.
കള്ളപ്പണക്കേസില്‍ അറസ്റ്റിലായി 89ാം ദിവസമാണ് ജാമ്യം അനുവദിച്ചത്. ഇനി ഡോളര്‍ കടത്ത് കേസില്‍ കൂടി ജാമ്യം ലഭിച്ചാല്‍ പുറത്തിറങ്ങാം.
മൊത്തം മൂന്ന് കേസുകളാണ് കള്ളകടത്തുമായി ബന്ധപ്പെട്ട് ശിവശങ്കറിനെതിരെ ചുമത്തിയിരിക്കുന്നത്.
