ഷൈന്‍ ടോമിന്റെ ജന്മദിനത്തില്‍ ' അടി' യുടെ പോസ്റ്റര്‍ പുറത്തിറങ്ങി; ആശംസകളുമായി നിര്‍മാതാവ് ദുല്‍ഖറും
എന്റര്‍ടെയിന്‍മെന്റ് ഡെസ്‌ക്
Wednesday, 15th September 2021, 11:30 am
ഷൈന്‍ ടോം ചാക്കോ നായകനാകുന്ന പുതിയ ചിത്രം അടിയുടെ പോസ്റ്റര്‍ പുറത്തിറങ്ങി. ഷൈന്‍ ടോമിന്റെ ജന്മദിനമായ ഇന്ന് തന്നെയാണ് ചിത്രത്തിന്റെ പോസ്റ്റര്‍ പുറത്തുവിട്ടത്.
വരനെ ആവശ്യമുണ്ട്, മണിയറയിലെ അശോകന്‍, കുറുപ്പ് എന്നീ ചിത്രങ്ങള്‍ക്ക് ശേഷം വേഫെറര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാന്‍ നിര്‍മിക്കുന്ന നാലാമത് ചിത്രമാണ് അടി. ഷൈന്‍ ടോമിന് ജന്മദിനാശംസ അറിയിച്ച് ദുല്‍ഖറും പോസ്റ്റര്‍ ഷെയര്‍ ചെയ്തിട്ടുണ്ട്.
ചിത്രത്തില്‍ ഷൈന്‍ ടോം ചാക്കോ, ധ്രുവന്‍, അഹാന കൃഷ്ണ എന്നിവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ബിറ്റോ ഡേവിസ്, ശ്രീകാന്ത് ദാസന്‍ എന്നിവരും ചിത്രത്തില്‍ അഭിനയിക്കുന്നുണ്ട്.
