'നിർഭയ സംഭവം മാധ്യമങ്ങൾ ഊതിവീർപ്പിച്ചത്': ഷീല ദീക്ഷിത്

ന്യൂ​ദല്‍​ഹി: 2012ലെ ​നി​ര്‍​ഭ​യ കൂ​ട്ട​ബ​ലാ​ത്സം​ഗ കേ​സ് മാ​ധ്യ​മ​ങ്ങ​ൾ ഊ​തി​പ്പെ​രു​പ്പി​ച്ചതാണെന്ന് കോൺഗ്രസ് നേതാവും മു​ൻ ദൽഹി മു​ഖ്യ​മ​ന്ത്രി​യുമാ​യ ഷീ​ല ദീ​ക്ഷി​ത്. ഇന്നത്തെ കാലത്ത് ഇത്തരം സംഭവങ്ങൾ സാധാരണയായി നടക്കുന്നതാണെന്നും അവർ പറഞ്ഞു. ‘മി​റ​ര്‍ നൗ’​ ചാനലിന് ന​ല്‍​കി​യ അ​ഭി​മു​ഖ​ത്തി​ലാ​ണ് ഷീ​ല ദീ​ക്ഷി​ത് വിവാദ പരാമർശം നടത്തിയത്.

ദൽഹിയിലെ സുരക്ഷ മെച്ചപ്പെടുത്താൻ സംസ്ഥാന സ​ര്‍​ക്കാ​രി​ന് ഒന്നും ചെയ്യാനില്ലെന്നും ക്ര​മ​സ​മാധാനവുമായി ബന്ധപ്പെട്ട കാര്യങ്ങളെല്ലാം കേ​ന്ദ്ര​ത്തി​ന്‍റെ നി​യ​ന്ത്ര​ണ​ത്തിലാണെന്നും ദീക്ഷിത് പറഞ്ഞു.

‘രാ​ജ്യ​ത്ത് ഇപ്പോൾ അനേകം പീഡനങ്ങൾ ന​ട​ക്കു​ന്നു​ണ്ട്. പ​ത്ര​ത്തി​ലെ ചെ​റി​യൊ​രു വാ​ര്‍​ത്ത മാ​ത്ര​മാ​യി അ​തൊ​തു​ങ്ങും. കു​ട്ടി​ക​ള്‍ വ​രെ പീഡന​ത്തി​നി​ര​യാ​കു​ന്നുണ്ട്. ഇതിൽ ചി​ല​ത് മാ​ത്ര​മാ​ണ് രാ​ഷ്ട്രീ​യവത്കരിക്കുന്നത്. സ്ത്രീ​ക​ളു​ടെ സു​ര​ക്ഷയ്ക്കായി സി​.സി​.ടി​.വി​യും വ​ഴി​വി​ള​ക്കു​ക​ളും സ്ഥാ​പി​ക്കു​ന്ന​‌ കാര്യം സം​സ്ഥാ​ന സ​ർ​ക്കാ​രി​ന്‍റെ ചു​മ​ത​ല​യി​ൽ​പ്പെ​ട്ട കാ​ര്യ​മ​ല്ല. ഡ​ൽ​ഹി സ​ർ​ക്കാ​ർ കേ​ന്ദ്ര​സ​ർ​ക്കാ​രി​ന്‍റെ കീ​ഴി​ലാ​ണ്.’ ദീക്ഷിത് പറയുന്നു.

2012 ഡി​സം​ബ​ർ 16ന് ​ആ​ണ് ഓ​ടി​ക്കൊ​ണ്ടി​രു​ന്ന ബ​സി​ൽ ഫി​സി​യോ​തെ​റ​പ്പി വി​ദ്യാ​ർ​ഥി​നി ജ്യോതി സിംഗ് പാണ്ഡെ കൂ​ട്ട​മാ​ന​ഭം​ഗ​ത്തി​നി​ര​യാ​യ​ത്. സംഭവത്തിൽ കുറ്റാരോപിതരായ നാല് പേരെ തൂക്കികൊല്ലാൻ ദൽഹി ഹൈകോടതി വിധിച്ചിരുന്നു. പ്രതികളിൽ ഒരാൾ തിഹാർ ജയിലിൽ വെച്ച് ആത്മഹത്യ ചെയ്യുകയുണ്ടായി.

കുറ്റകൃത്യം നടന്നതിന് ശേഷം രാജ്യത്തെ സ്ത്രീസുരക്ഷ നിയമങ്ങൾ അന്നത്തെ യു.പി.എ. സർക്കാർ ശക്തമാക്കിയിരുന്നു. സം​ഭ​വ​ത്തി​നെ​തി​രെ അ​ന്ന് മു​ഖ്യ​മ​ന്ത്രി​യാ​യി​രു​ന്ന ദീ​ക്ഷി​ത് ന​ട​ത്തി​യ പ​രാ​മ​ര്‍​ശ​ങ്ങ​ള്‍ വി​വാ​ദ​ത്തി​ന് വഴിതെളിച്ചിരുന്നു.