വര്‍ഷത്തിലെ 52 ആഴ്ചകളിലും നല്ല ഭരണം നടത്തിയിട്ടില്ല എന്നതാണ് ഈ സര്‍ക്കാരിന്റെ പ്രശ്നം: തരൂര്‍
ഡൂള്‍ന്യൂസ് ഡെസ്‌ക്
Sunday, 19th December 2021, 10:37 am
ന്യൂദല്‍ഹി: ബി.ജെ.പിയെ പരാജയപ്പെടുത്താന്‍ പ്രതിപക്ഷ പാര്‍ട്ടികള്‍ ഒരുമിച്ചുനില്‍ക്കുമെന്നാണ് പ്രതീക്ഷിക്കുന്നതെന്ന് കോണ്‍ഗ്രസ് നേതാവ് ശശി തരൂര്‍. രാജ്യത്ത് സ്വതന്ത്ര ശബ്ദങ്ങള്‍ അടിച്ചമര്‍ത്തപ്പെടുകയാണെന്നും അദ്ദേഹം പറഞ്ഞു.
രാഷ്ട്രീയത്തില്‍ ഒരാഴ്ച പോലും വളരെ ദൈര്‍ഘ്യമേറിയ സമയമാണെന്നും അടുത്ത ലോക്സഭാ തെരഞ്ഞെടുപ്പിന് ഇനിയും രണ്ടര വര്‍ഷമുണ്ടെന്നും ബി.ജെ.പിയെ തോല്‍പ്പിക്കാന്‍ പ്രതിപക്ഷം ഒന്നിക്കുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു.
ബി.ജെ.പിയെ മാത്രമല്ല, അതിന്റെ നയങ്ങളെയും രാഷ്ട്രീയത്തെയും തോല്‍പ്പിക്കുയാണ് ലക്ഷ്യമെന്നും ശശി തരൂര്‍ പറഞ്ഞു.
