സുധാകര വിജയം; ശശി തരൂരിനെയും കെ.വി. തോമസിനെയും സി.പി.ഐ.എം സെമിനാറില്‍ പങ്കെടുക്കുന്നതില്‍ നിന്ന് വിലക്കി എ.ഐ.സി.സി
ഡൂള്‍ന്യൂസ് ഡെസ്‌ക്
Monday, 21st March 2022, 5:43 pm
ന്യൂദല്‍ഹി: സി.പി.ഐ.എം പാര്‍ട്ടി കോണ്‍ഗ്രസിന്റെ സെമിനാറില്‍ ശശി തരൂരും കെ.വി. തോമസിനും പങ്കെടുക്കരുതെന്ന് സോണിയാഗാന്ധി. കെ.പി.സി.സയുടെ നിലപാട് എ.ഐ.സി.സി അംഗീകരിച്ചു. സംസ്ഥാന ഘടകത്തിന്റെ തീരുമാനം അംഗീകിക്കണമെന്ന് നേതാക്കളോട് എ.ഐ.സി.സി നിര്‍ദേശിച്ചു. പരിപാടിയില്‍ പങ്കെടുക്കില്ലെന്ന് കെ.വി. തോമസ് അറിയിച്ചു.
കോണ്‍ഗ്രസ് അധ്യക്ഷ സോണിയ ഗാന്ധിയോട് സംസാരിച്ച ശേഷം സസെമിനാറില്‍ പങ്കെടുക്കുന്ന കാര്യം തീരുമാനിക്കുമെന്ന് തരൂര്‍ ഇന്നലെ പറഞ്ഞിരുന്നു. കെ.പി.സി.സി പ്രസിഡന്റ് കെ. സുധാകരന്റെ വാക്കുകള്‍ ബഹുമാനത്തോടെ കാണുന്നുവെന്നും ഇപ്പോള്‍ വിവാദത്തിനില്ലെന്നും ശശി തരൂര്‍ പറഞ്ഞിരുന്നു.
അതേസമയം, വിലക്ക് ലംഘിച്ച് സി.പി.ഐ.എം സെമിനാറില്‍ പങ്കെടുത്താല്‍ നടപടിയുണ്ടാകുമെന്ന് സുധാകരന്റെ മുന്നറിയിപ്പുണ്ടായിരുന്നു.
