ന്യൂദല്‍ഹി: ഹിന്ദു ഇന്ത്യ എന്നുപറയുന്നത് ഒരിക്കലും ‘ഹിന്ദുവായിരിക്കില്ലെന്ന് മുതിര്‍ന്ന കോണ്‍ഗ്രസ് നേതാവ് ശശി തരൂര്‍.
മറിച്ച് തികച്ചും വ്യത്യസ്തമായ ഒരു സംഘി ഹിന്ദുത്വ രാഷ്ട്രമായിരിക്കും അതെന്നും തരൂര്‍ പറഞ്ഞു. തരൂരിന്റെ പുതിയ പുസ്‌കകമായ ‘The Battle of Belonging‘ ലായിരുന്നു പരാമര്‍ശം.
കോണ്‍ഗ്രസ് പാര്‍ട്ടിക്ക് ഹിന്ദുയിസവും ഹിന്ദുത്വവും തമ്മില്‍ കൃത്യമായ വേര്‍തിരിവ് ഉണ്ടെന്ന് തരൂര്‍ പറഞ്ഞു. എല്ലാവരെയും ഉള്‍ക്കൊള്ളുന്ന വിഭജിക്കാത്ത ഹിന്ദുയിസത്തെ ആണ് കോണ്‍ഗ്രസ് ബഹുമാനിക്കുന്നതെന്നും എന്നാല്‍ ബി.ജെ.പിയുടെ ഹിന്ദുത്വം എന്നുപറയുന്നത് ഒഴിവാക്കലിനെ അടിസ്ഥാനമാക്കിയുള്ള ഒരു രാഷ്ട്രീയ ‘പ്രമാണം’ ആണെന്നും അദ്ദേഹം പറഞ്ഞു.
