ഷറഫുദ്ദീന്‍, അപര്‍ണ ദാസ്, നൈല ഉഷ എന്നിവര്‍ കേന്ദ്രകഥാപാത്രങ്ങളായെത്തിയ പ്രിയന്‍ ഓട്ടത്തിലാണ് എന്ന ചിത്രം ജൂണ്‍ 24നാണ് തിയേറ്ററുകളില്‍ റിലീസ് ചെയ്തത്. പേര് സൂചിപ്പിക്കുന്നത് പോലെ തന്നെ പ്രിയദര്‍ശന്‍ എന്ന യുവാവിന്റെ ജീവിതവും മറ്റുള്ളവരെ സഹായിക്കാനായി അദ്ദേഹം നടത്തുന്ന ഓട്ടപ്പാച്ചിലുമാണ് ചിത്രത്തിന്റെ പ്രേമയം.
ചിത്രത്തില്‍ മമ്മൂട്ടി അതിഥി വേഷത്തില്‍ എത്തുന്നുണ്ടെന്ന് റിലീസിന് മുന്‍പ് തന്നെ റിപ്പോര്‍ട്ടുകളുണ്ടായിരുന്നു. ചിത്രം തിയേറ്ററില്‍ കണ്ട പ്രേക്ഷകര്‍ മമ്മൂട്ടിയുടെ അതിഥി വേഷം ആവേശത്തോടെയാണ് ഏറ്റെടുത്തതും.
ഇപ്പോഴിതാ ചിത്രത്തിലെ അതിഥി വേഷത്തിന് മമ്മൂട്ടിയോട് നന്ദി പറഞ്ഞിരിക്കുകയാണ് ഷറഫുദ്ദീന്‍. ‘പ്രിയന്റെ ചെറിയ ലോകത്തിലെ വലിയ മനുഷ്യനായതിന് നന്ദി’ എന്നാണ് ഷറഫുദ്ദീന്‍ സോഷ്യല്‍ മീഡിയയില്‍ കുറിച്ചത്. മമ്മൂട്ടിക്കൊപ്പമുള്ള ചിത്രവും ഷറഫുദ്ദീന്‍ പങ്കുവെച്ചിട്ടുണ്ട്.
ശബ്ദം കൊണ്ട് മമ്മൂട്ടി അടുത്ത കാലത്ത് നിരവധി ചിത്രങ്ങളില്‍ എത്തിയിട്ടുണ്ടെങ്കിലും കാമിയോ റോളില്‍ വന്നിട്ട് കുറച്ച് കാലങ്ങളായിരുന്നു. ചിത്രത്തിലെ പ്രധാന കഥാപാത്രങ്ങളെല്ലാം മികച്ച പ്രകടനമാണ് പുറത്തെടുത്തത്. ഷറഫുദ്ദീനും നൈല ഉഷയും അപര്‍ണ ദാസും തങ്ങളുടെ കഥാപാത്രങ്ങളെ മികച്ച രീതിയില്‍ തന്നെ അവതരിപ്പിച്ചു.
ര/ീ സൈറ ബാനുവിനു ശേഷം ആന്റണി സോണി സംവിധാനം ചെയ്തിരിക്കുന്ന ചിത്രമാണ് പ്രിയന്‍ ഓട്ടത്തിലാണ്. അനാര്‍ക്കലി മരക്കാര്‍, ബിജു സോപാനം, ജാഫര്‍ ഇടുക്കി, സ്മിനു സിജു, ഹരിശ്രീ അശോകന്‍, ഷാജു ശ്രീധര്‍ എന്നിവരാണ് മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്.
സന്തോഷ് ത്രിവിക്രമന്‍ നിര്‍മിച്ചിരിക്കുന്ന ചിത്രത്തിന്റെ രചന അഭയകുമാര്‍ കെ, അനില്‍ കുര്യന്‍ എന്നിവരാണ് നിര്‍വഹിച്ചത്. എക്സിക്യൂട്ടീവ് പ്രൊഡ്യൂസര്‍ അനീഷ് സി. സലിം, ഛായാഗ്രഹണം പി. എം. ഉണ്ണികൃഷ്ണന്‍, എഡിറ്റിങ് ജോയല്‍ കവി, സംഗീതം ലിജിന്‍ ബാംബിനോ, വരികള്‍ ശബരീഷ് വര്‍മ്മ, വിനായക് ശശികുമാര്‍, പ്രജീഷ് പ്രേം.
സൌണ്ട് ഡിസൈന്‍ വിഷ്ണു ഗോവിന്ദ്, ശ്രീ ശങ്കര്‍, സൌണ്ട് മിക്സ് വിഷ്ണു ഗോവിന്ദ്, മേക്കപ്പ് റോണക്സ് സേവ്യര്‍, വസ്ത്രാലങ്കാരം സമീറ സനീഷ്, കലാസംവിധാനം രാജേഷ് പി. വേലായുധന്‍, പ്രൊഡക്ഷന്‍ കണ്‍ട്രോളര്‍ ഷബീര്‍ മലവട്ടത്ത്.
Content Highlight : Shardudheen Thanking Mammooty for the guest role in Priyan Ottathilanu