കൊച്ചി: കേരളത്തിനെ ദുരിതത്തിലാഴ്ത്തിയ പ്രളയ ദുരിതത്തില്‍ നിന്ന് കേരളം പതുക്കെ കരകയറുകയാണ്. നിരവധിപേരാണ് രക്ഷാപ്രവര്‍ത്തനത്തിന് രംഗത്തുണ്ടായിരുന്നത്. ഇപ്പോളിതാ രക്ഷാപ്രവര്‍ത്തനത്തിനിടെ ഒരു മുന്നറിയിപ്പുമായി സംഗീതസംവിധായകന്‍ ഷാന്‍ റഹ്മാന്‍.
നമ്മള്‍ കരുതിയിരിക്കണം, വെള്ളം ഇറങ്ങിയതോടെ മാരക വിഷമുള്ള മതം, രാഷ്ട്രീയം തുടങ്ങിയ ഇഴജന്തുക്കള്‍ ഇറങ്ങിത്തുടങ്ങിയെന്നാണ് ഷാന്‍ പറയുന്നത്. ഫേസ്ബുക്ക് വഴിയായിരുന്നു ഷാനിന്റെ പ്രതികരണം.
Also Read രക്ഷാപ്രവര്‍ത്തനത്തിന് മത്സ്യത്തൊഴിലാളികളെ വിളിക്കാം എന്ന് മുഖ്യമന്ത്രിയോട് പറഞ്ഞ വ്യക്തി ആരാണെങ്കിലും അദ്ദേഹത്തിന് നന്ദി; മേജര്‍ രവി
ഷാനിന്റെ പോസ്റ്റിന് പിന്തുണയുമായി നിരവധിപ്പേരാണ് രംഗത്തെത്തിയത്. ഷാന്‍ പറയുന്നത് ശരിയാണെന്ന് നിരവധിയാളുകള്‍ കമന്റ് ചെയ്തു. ഷാനും സുഹൃത്തുക്കളും കൊച്ചിയിലെ ഇന്‍ഫോ പാര്‍ക്ക് റോഡിലെ ചില്ലാക്‌സ് കേന്ദ്രീകരിച്ച് ദുരിതാശ്വാസ പ്രവര്‍ത്തനങ്ങള്‍ നടത്തിയിരുന്നു.
കഴിഞ്ഞ ദിവസം ഇവിടുത്തെ ദുരിതാശ്വാസ പ്രവര്‍ത്തനങ്ങള്‍ നിര്‍ത്തിയിരുന്നു. റോട്ടറി ക്ലബ്ബിനാണ് ദുരിതാശ്വാസ പ്രവര്‍ത്തനങ്ങളുടെ നേതൃത്വം കൈമാറിയത്.