തിരുവനന്തപുരം: അരൂരില്‍ ഷാനിമോള്‍ ഉസ്മാന്‍ യു.ഡി.എഫ് സ്ഥാനാര്‍ത്ഥിയാകും. ഇത് സംബന്ധിച്ച് അന്തിമ പട്ടിക ഹൈക്കമാന്റിന് അയച്ചു. മറ്റ് സ്ഥലങ്ങളിലെ കോണ്‍ഗ്രസ് സ്ഥാനാര്‍ത്ഥിയെ നേരത്തെ പ്രഖ്യാപിച്ചിരുന്നു.
എറണാകുളത്ത് ടി.ജെ വിനോദും കോന്നിയില്‍ മോഹന്‍രാജും വട്ടിയൂര്‍കാവില്‍ കെ മോഹന്‍കുമാറും മത്സരിക്കും. നേരത്തെ കോന്നി സീറ്റ് ഐ ഗ്രൂപ്പില്‍ നിന്ന് എ ഗ്രൂപ്പ് ഏറ്റെടുത്തിരുന്നു. ഇതോടെ അരൂര്‍ സീറ്റ് എറ്റെടുക്കാന്‍ ഐ ഗ്രൂപ്പ് നിര്‍ബന്ധിതരായി.
അരൂരില്‍ ഈഴവ സ്ഥാനാര്‍ത്ഥി വേണമെന്ന് ആവശ്യമുയര്‍ന്നിരുന്നു. എം ലിജുവിനെ മത്സരിപ്പിക്കാന്‍ തീരുമാനം ഉണ്ടായിരുന്നെങ്കിലും അദ്ദേഹത്തിന് താല്‍പ്പര്യമില്ലെന്ന് അറിയിക്കുകയായിരുന്നു.
അതേസമയം കഴിഞ്ഞ ലോക്‌സഭ തെരഞ്ഞെടുപ്പില്‍ അരൂരില്‍ ലീഡ് നില ഉയര്‍ത്തിയ ഷാനിമോളെ തന്നെ മത്സരിപ്പിക്കാന്‍ ഐ ഗ്രൂപ്പില്‍ നിന്ന് തന്നെ ആവശ്യമുയര്‍ന്നിരുന്നു. കെ മുരളീധരന്‍ എം.പിയും ഷാനി മോള്‍ക്ക് പിന്തുണയുമായി എത്തിയിരുന്നു.
DoolNews Video