ലോകകപ്പിന് മുന്നോടിയായി നടക്കുന്ന ഇന്ത്യ-ഓസ്‌ട്രേലിയ ആദ്യ ഏകദിനത്തില്‍ മുഹമ്മദ് ഷമി അഞ്ച് വിക്കറ്റ് നേടിയിരുന്നു. 10 ഓവറില്‍ 51 റണ്‍സ് വഴങ്ങിയാണ് താരം അഞ്ച് വിക്കറ്റ് നേട്ടം കൈവരിച്ചത്. ആദ്യം ബാറ്റ് ചെയ്ത ഓസീസ് 276 നേടി പുറത്തായി.
53 പന്തില്‍ 52 റണ്‍സ് നേടിയ ഡേവിഡ് വാര്‍ണറാണ് ഓസീസിന്റെ ടോപ് സ്‌കോറര്‍. ജോഷ് ഇംഗ്ലീസ് 45 റണ്‍സ് നേടിയപ്പോള്‍ സ്റ്റീവന്‍ സ്മിത് 41 റണ്‍സ് നേടി.
അഞ്ച് വിക്കറ്റ് നേട്ടത്തോടെ പുതിയ ഒരു റെക്കോഡാണ് ഷമി സ്വന്തം പേരില്‍ കുറിച്ചത്. 16 വര്‍ഷങ്ങള്‍ക്ക് ശേഷമാണ് ഒരു ഇന്ത്യന്‍ പേസര്‍ ഏകദിനത്തില്‍ അഞ്ച് വിക്കറ്റ് നേട്ടം കൈവരിക്കുന്നത്. അപൂര്‍വമായൊരു റെക്കോഡാണ് താരത്തിനൊപ്പം വന്ന് ചേര്‍ന്നത്.
Shami becomes the first Indian pacer to take a five-wicket haul in India in ODI after 16 long years. pic.twitter.com/qp48g4pJb2
— Johns. (@CricCrazyJohns) September 22, 2023
